Lajme

Kurti takon drejtuesit e fondacionit BESA, flasin për sistemin dual të arsimit

Kurti takon drejtuesit e fondacionit BESA, flasin për sistemin dual të arsimit
09:25 | 10 Gusht 2022

Kryeministri i Kosovës, Albin Kurti, bashkë me ministren e Arsimit, Shkencës, Teknologjisë dhe Inovacionit, Arbërie Nagavci u takua sot me kryetarin e Fondacionit BESA, Anton Krasniqi dhe nënkryetarin e këtij fondacioni, Ilir Seferi.

Ky takim vjen pas nënshkrimit të Memorandumit të Bashkëpunimit ndërmjet ministrisë së Arsimit, Shkencën, Teknologjisë dhe Inovacionit dhe Fondacionit BESA me seli në Gjermani, thuhet në një komunikatë për media.

Gjatë tij, kryeministri Kurti u njoftua për sfidat aktuale, veprimet e ndërmarra në kuadër të këtij bashkëpunimi dhe për hapat e mëtejmë drejt inicimit të arsimit dual në vend.

Kryetari i fondacionit BESA, Anton Krasniqi e informoi kryeministrin për profilet potenciale që mund të përfshihen në kuadër të arsimit dual dhe për bashkëpunimin që ky fondacion ka arritur me odat dhe përfaqësitë e bizneseve në Kosovë.

Në takim u diskutua për përgatitjet finale që institucionet po bëjnë për të filluar në shtator të këtij viti me pilotimin e tre profileve të para në kuadër të arsimit dual, atë të floktarit, kuzhinierit dhe asistentit në restorant. U theksua rëndësia e angazhimit të institucioneve në promovimin e këtyre profileve te nxënësit dhe bizneset si dhe në vazhdimin e bashkëpunimit të ndërsjellë, thuhet tutje në komunikatë.

Prince Caffe pjesëmarrës në panairin DUBAI EXPO 2021

Të tjera