Kryeministri i Kosovës, Albin Kurti po qëndron në një vizitë zyrtare në Shqipëri, ku ka takuar krerët e shtetit shqiptar. Gjatë takimeve të tij, Kurti njoftoi se përveç me krerët e institucioneve shtetërore, ka pasur takim edhe ish-presidentin Ilir Meta, por jo me ish-presidentin Sali Berisha.
I pyetur pse kreu i Qeverisë së Kosovës nuk ka pasur një takim me kreun e PD-së, Sali Berisha, ai është përgjigjur se është takuar me Ilir Metën pasi e kishte njoftuar më herët gjatë procesit të dialogut dhe kishte vendosur të njoftonte rreth procesit.
“Unë kam takuar krerët e tri institucioneve shtetërore dhe kam takuar edhe ish-presidentin Meta të cilin e kam njoftuar edhe më herët gjatë procesit të dialogut dhe kam konsideruar që është e nevojshme gjithashtu ta njoftojë atë ndonëse nuk është më president. Pra kam takuar institucionet shtetëore kësaj radhe.” – ka thënë Kurti për Report TV.
Ai ka thënë se gjatë këtyre takimeve kishte theksuar 2 gjëra kryesore, që sipas tij janë suksesi dhe progresi demokratike e ekonomik i Kosovës.
“Gjatë këtyre takimeve theksova dy gjëra kryesore. E para është suksesi dhe progresi demokratik e ekonomik i Kosovës në këto 2 vite të qeverisjes tonë, që është një progres i pashembullt në Kosovën e pavarur. Në anën tjetër i informova për detajet e përmbajtjes së marrëveshjeve që kemi realizuar së pari në Bruksel dhe më pas edhe ankesin e zbatimit në Ohër, për normalizimin e marrëdhënieve mes Kosovës dhe Serbisë. Dëshirova që t’i njoftoj për së afërmi, dhe në hollësi me procesin e dialogut, por edhe me elementët përbërës të marrëveshjes që tani duhet të zbatohet”. – ka thënë Kurti.