×
  • Lajme
  • Lajme

    Kurti në ngjarjen përkujtimore të gjenocidit në Srebrenicë: Na kujton plagët tona të përbashkëta

    FrontOnline
    10 Korrik 2024

    Kryeministri i Republikës së Kosovës, Albin Kurti, mori pjesë në ngjarjen përkujtimore të gjenocidit në Srebrenicë, organizuar në sallën e Institutit të Historisë, njoftojnë nga kryeministria.

    Në njoftim thuhet se në fjalën e tij, në emër të Qeverisë së Republikës së Kosovës, Kurti shprehu solidaritetin dhe mbështetjen e plotë për popullin boshnjak.

    “Para 29 vjetësh, në qytetin e vogël të Srebrenicës u krye një nga tmerret më të mëdha të gjenocidit në Evropë. 8372 burra dhe djem boshnjakë u vranë mizorisht, në mënyrë sistematike. Ky krim la plagë të hapura për mijëra familje boshnjake, siç la plagë të hapur në ndërgjegjen e njerëzimit. Andaj, çdo përvjetor është dhembje që ripërtërihet, jo vetëm për popullin boshnjak, por edhe për ne, popullin e Kosovës, që 25 vjet më parë kemi përjetuar tmerret e luftës”, tha Kurti.

    Më tej, bëhet e ditur se kreu i qeverisë shtoi se masakra në Srebrenicë ishte dhe paralajmërim për projektin gjenocidal të Serbisë në Kosovë, ku nga viti 1998 deri në vitin 1999, mbi 13 mijë shqiptarë të Kosovës u vranë, mbi 1 milion u dëbuan nga shtëpitë e tyre, afër 1600 janë ende të pagjetur dhe rreth 20 mijë gra e vajza por edhe burra dhe djem, janë të mbijetuar të përdhunimit seksual.

    Ai rikujtoi se sot Qeveria e Republikës së Kosovës ka shpallur 11 korrikun ditë memoriale në përkujtim të gjenocidit të Srebrenicës, duke shtuar se: “Gjenocidi në Srebrenicë na kujton plagët tona të përbashkëta, plagë që ende janë të njoma, siç janë ende qindra varre të zbrazëta.

    Pashmangshëm na kujtohet ideologjia çetnike që u përdor nga Serbia në Kroaci, Bosnjë e Kosovë. Njësiti famëkeq “Shkorpionët” që ka marrë pjesë në masakrën e Srebrenicës, është i njëjti që ka kryer masakra edhe në Kosovë. Ndër to, edhe masakrën mbi familjen e Nënkryetares tonë të Kuvendit, Saranda Bogujevci, të cilës iu vranë 16 anëtarë të familjes, ndërkaq ajo u mbijetoi 16 plumbave në trupin e saj kur s’i kishte as 14 vjet, theksoi ai.

    Kurti tutje nënvizoi se teksa vazhdojnë mohimin e gjenocidit dhe glorifikimin e dhunës, pasardhësit politikë të Millosheviqit që udhëheqin me Serbinë, ringjallin ambiciet ekspansioniste ndaj Bosnjë dhe Hercegovinës por dhe Kosovës. “Andaj, për viktimat dhe për të mbijetuarit që ua vranë më të shtrenjtit, ne nuk mund të harrojmë. Në emër të drejtësisë, paqes, e të pajtimit, e të ruajtjes së të vërtetës, ne duhet të kujtojmë”, përfundoi fjalën e tij kryeministri Kurti.

    Vetëm 60 euro kap ofertën Al Inclusive të “Sharr Travel” në Aqua Fafa
    Nga Rubrika
    Lajme13 Korrik 2024
    Forumi për Integritetin e Informacionit kanë reaguar të shqetësuar pasi deputetët e Kuvendit të Kosovës nga Lëvizja Vetëvendosje e kanë miratuar ligjin...
    Lajme13 Korrik 2024
    Presidentja e Kosovës, Vjosa Osmani, në margjina të Samitit të NATO-s në Washington ka takuar edhe kryediplomaten gjermane, Annalena Baerbock. Osmani ka...
    Lajme13 Korrik 2024
    Mëngjesi i kësaj të shtune ka nisur me fluks të lartë qytetarësh e mjetesh në pikën kufitare në Morinë. Qytetarët e Kosovës...
    Të tjera
    Lajme13 Korrik 2024
    Drejtori i Përgjithshëm i Shërbimit Korrektues i Kosovës (ShKK), Ismail Dibrani, ka thënë se dy të arratisurit nga burgu, Faton Hajrizi dhe...
    Lajme13 Korrik 2024
    Shumica e pagave në Kosovë e sidomos ato të punëtorëve të sektorit publik, nuk e arrijnë vlerën e një page për të...
    Lajme13 Korrik 2024
    Rrjeti i Grave të Kosovës (RrGK) ka reaguar ndaj Ligjit të ri për Komisionin e Pavarur të Mediave (KPM), të miratuar të...
    Bota/Rajoni13 Korrik 2024
    Zjarret janë ende aktive në malin Serta në Negotinë si dhe në Shtip në malin Ograzhden pranë kufirit bullgar. Ndërhyrjet si nga...
    Bota/Rajoni13 Korrik 2024
    SPAK ka lëshuar disa urdhërarreste me vendim gjykate për inceneratorin e Tiranës. Operacioni për ekzekutimin e urdhërarresteve u krye nga agjentët e...
    Lajme13 Korrik 2024
    Kosova si shteti më i ri evropian krenohej me popullsinë më të re. Mirëpo kjo popullsi ka nisur të plaket. Dhe Kosova...

    FrontOnline, © 2024 Të gjitha të drejtat e rezervuara.