Kryetari i Vetëvendosjes, Albin Kurti është deklaruar i kënaqur me numrin e kandidatëve të VV-së që do të jenë në balotazh për këto zgjedhje lokale.
“Si kryetar jam shumë i kënaqur që shoh kaq shumë kandidatë tonë në balotazh. Jam shumë i kënaqur edhe me numrin e asambleistëve. Së pari, pavarësisht rezultati kemi synuar gjithmonë më shumë. Edhe në nivel lokal, Vetëvendosje u bë subjekti i parë. Ky është një shans që të vazhdojmë të flasim me qytetarët. Ndryshimi real ne nivelin qytetar është shumë me shumë sesa fjalë”, theksoi ai.
Ai tha se do të synojnë të fitojnë në çdo komunë ku janë në balotazh.
“VV-ja si subjekti më i madh në vend e kuvend, e tash edhe në nivel lokal ka folur më shumë për çështjet nacionale sesa ato lokale. Ne fituam edhe 4 javë të flasim për çështjet lokale. I kemi edhe katër javë të sqarojmë problemet lokale”, deklaroi Kurti.
Vetëvendosje nuk e fitoi asnjë komunë pa balotazh, ndërsa është në garë për 12 komuna.