Ka përfunduar takimi trepalësh në Bruksel mes kryeministrit të Kosovës, Albin Kurti dhe presidentit të Serbisë, Aleksandar Vuçiq si Përfaqësuesi i Lartë i Bashkimit Evropian për Politika të Jashtme dhe Politika të Sigurisë, Josep Borrell.
Pas këtij takimi për medie është deklaruar kryeministri i Kosovës, Albin Kurti.
Ai ka thënë se i propozuan palës serbe 4 propozime, tri nga të cilat u refuzuan dhe për një s`u dha fare përgjigje.
“Sot u zhvillua takimi i parë në Bruksel me delegacionin nga Serbia. Kjo u bë me ndërmjetësim të Lajçak dhe Borell. Takimi ishte konstruktiv nga ana jonë. Do të marrim pjesë në të edhe në vazhdim. Pala serbe fliste për ide të vjetra. Ne paraqitem 4 ide të reja. Të iniciojmë marrëveshjen SEFTA. Propozim i dytë, që një ditë pas samitit të djeshëm të NATO-s, të nënshkruhet marrëveshja e paqes që ne s’do ta sulmojmë njëra tjetrën. Propozimi tjetër ishte që te çështja e të pagjeturve, duhet të largohet nga delegacioni Serb, Velkjo Odalloviq. Dhe propozimi i katërt, për pakicat, ishte reciprociteti bilateral, që është parim i përgjithshëm, por për serbët në Kosovë do të kishim Këshill Nacional siç është në Serbi për shqiptarët. Tri propozimet tona të fundit u refuzuan, por për SEFTA-n s’pati përgjigje. Nuk ka ende dakordim për dialogun e ardhshëm. Serbia duhet ta njoh Kosovën dhe anasjelltas”, u shpreh Kurti pas takimit.