Kosova ka shkëlqyer në Lojërat Olimpike “Tokio 2020”, konkretisht në sportin e xhudos.
Distria Krasniqi dhe Nora Gjakova fituan medaljet e arta në kategoritë e tyre respektive, duke e bërë Kosovën një nga shtetet me më shumti medalje të fituara në ditët e para në sportin e xhudos.
Trajneri, Driton Kuka që ishte ndër meritorët për sukseset e Kosovës ndër vite ka lavdëruar xhudistët kosovar.
Kuka në llogarinë e tij në Facebook ka shkruar se xhudistët që ai drejton janë “heronjtë e lirisë së fituar me gjak”.
Postimi i plotë i Driton Kukës (pa ndërprerje):
Lojërat Olimpike 2020 Tokio
U nis me Majlinden në Rio De Janeiro tash e 5 vite,e arta erdhi në Kosovë!
Në Tokio vazhduan Distria e Nora.
Krejt të Arta!
Medalje të Arta Olimpike
Ende smë besohet,kemi ardh për medalje por …
2 të Arta e një vend i 7 për shtetin me më pak se 2 milionë banorë.
Dhe kjo sështë e tëra.
Çfarë e arriture në radhitjen e shteteve me medalje të arta në sportin ku shtetet investojnë me dhjetra e qindra miliona Euro!
Kosova vetëm pas Japonisë e para Frances,Rusisë … e para 200 e më shumë shteteve dhe e gjithë kjo në Lojëra Olimpike!
Majlinda,Disi,Nora,Akil,Loriana …
Heronjtë e mi!
Heronjtë e lirisë së fituar me gjak!
Sa e sa herë jam lutur për ju në këto vite e sot shihni Kosovën ku e keni ngrit në Sportin tonë të dashur.
Thjesht e shkurt faleminderit nga zemra.
