×
  • Lajme
  • Lajme

    Kuçi tregon se ka filluar procesi që mund të sjellë një rigjykim për kontratën me Z-Mobile

    FrontOnline
    16 Korrik 2020

    Ministri i Ekonomisë dhe Ambientit, Blerim Kuçi, ka bërë të ditur se ka filluar një komunikim me hetuesinë dhe prokurorinë për elementet e reja lidhur me kontratën e Telekomit me Z-Mobile. Ai ka thënë se si ministër do të ofrojë përkrahje, pasi nëse vërtetohen dyshimet del që Telekomi është dëmtuar shumë.

    Ka filluar komunikimi i menaxhmentit me hetuesinë dhe prokurorinë sa i takon elementeve të reja. Në çfarë faze janë dhe sa janë argumente të fuqishme, i takon hetuesisë dhe prokurorisë. Ka filluar komunikimi, ofrimi i argumenteve që bordi mendon se janë elemente që janë heshtë ose nuk janë prezantuar. Janë elemente të reja, që nuk i di në detaje. Menaxhmenti i di në detaje, por nuk janë për opinion. Ka filluar ky proces që të rishikohet mundësia për një rigjykim të ardhshëm për këtë çështje. Do ta kenë përkrahjen time si ministër, se atëherë del që jemi dëmtuar vërtetë shumë”, ka theksuar Kuçi në emisionin Desku në KTV.

    Ministri Kuçi ka treguar se aktualisht në Telekom janë 2218 të punësuar. Bordi Mbikqyrës vlerëson se është numër shumë i madh. Kuçi ka treguar se është duke u bërë ristrukturimi i ndërmarrjes. Ai vlerëson se menaxhmenti po mundohet të gjejë një zgjidhje. Por zgjidhja definitive është në Qeveri, sipas Kuçit.

    Prioritet mbetet sanimi i gjendjes në Telekom.

    “Duhet të sanojmë këtë gjendje, ta sjellim në gjendje më stabile. Privatizimi në këtë fazë është i dëmshëm, nuk është në interes të shtetit tonë. Aseti nuk e ka vlerën e vet”.

    Sipas Kuqit, Telekomi pas sanimit të gjendjes, pasi të bëhet rentabil, do të privatizohet pjesërisht. Por kjo, sipas tij, nuk do të ndodhë në këtë fazë. Bëhet fjalë për shitje të aksioneve, por që të ruhen mbi 51 për qind të aksioneve.

    “Janë shërbime vitale të qytetarëve dhe duhet të ruajmë mbi 51 për qind, ku Qeveria ka qasje dhe ndikim në kualitetin e shërbimeve me interes jo vetëm për qytetarët por për shtetin në përgjithësi. Por pa e sanuar gjendjen, nuk guxojmë të hyjmë në këto veprime. Së paku në këtë kohë jo”, ka theksuar Kuçi.

    Ai ka thënë se për kontratën me Dardafon nuk ka borxhe të reja, pasi ajo kontratë është ndërpre në korrik të vitit të kaluar.

    Sipas Kuçit përfaqësimi juridik në arbitrazh është prej problemeve.

    “Kush na ka përfaqësuar në arbitrazh? Përfaqësimi juridik është prej elementeve kyçe. Nuk e di pse i kemi marrë ata avokatë që asesi nuk janë të duhur”.

    Kuqi nuk e di nëse ka raste që janë humbur qëllimshëm nga avokatët.

    “Nëse bordi ka elemente të tilla, sidomos të tilla që kemi mundur t’i prezantojmë dhe nuk i kemi prezantuar para arbitrazhit, atëherë ka një lloj sabotimi në proces. Nëse është kështu dhe organet gjyqësore mund t’i vërtetojnë, dikush vërtetë duhet të jetë përgjegjës”.

    Sponsori gjeneral i PRINCE CAFFE Superligës, shpërblen mbretërit e basketbollit për edicionin 2022/23
    Nga Rubrika
    Lajme28 Mars 2024
    Në mungesë kuorumi, Kuvendi i Kosovës ka dështuar të miratojë themelimin e komisionit hetimor parlamentar për tenderët njëburimorë. Në sallë ishin të...
    Lajme28 Mars 2024
    Kryetari i Podujevës, Shpejtim Bulliqi ka bërë homazhe pranë lapidarëve të familjeve Bogujevci, Duriqi dhe Llugaliu, në 25–vjetorin e vrasjes së tyre....
    Lajme28 Mars 2024
    Deputetja nga radhët e PDK-së, Eliza Hoxha gjatë fjalës së saj në seancën e jashtëzakonshme të Kuvendit të Kosovës, ka folur rreth...
    Të tjera
    Lajme28 Mars 2024
    Derisa në foltoren e Kuvendit të Kosovës po fliste deputetja e LDK-së, Doarsa Kica-Xhelili, për themelimin e një komisioni hetimor për kontratat...
    Lajme28 Mars 2024
    Deputetja e LDK-së, Hykmete Bajrami i ka reaguar kryeministrit Albin Kurti lidhur me statistikat që ai ka publikuar sa i përket zhvillimit...
    Lajme28 Mars 2024
    Deputeti nga radhët e PDK-së, Ardian Kastrati është shprehur se ka me qindra kontrata një burimore ku qeveria ka vjedhur miliona, raporton...
    Sport28 Mars 2024
    Janë arrestuar nga Policia Federale të dyshuarit që kanë kërcënuar me vdekje familjen e Angel Di Maria-s në godinën ku ndër të...
    Lajme28 Mars 2024
    Një ngjarje e rëndë ka ndodhur në Itali, ku një person nga Kosova ka humbur jetën në vendin e punës. Rasti i...
    Vip28 Mars 2024
    Sara Hoxha është përfolur shumë kohëve të fundit. Kjo për arsye të aludimeve të ndarjes nga reperi i  njohur, Ledri Vula. Në...

    FrontOnline, © 2024 Të gjitha të drejtat e rezervuara.