Kryetari i Vitisë, Sokol Haliti, ka reaguar pas rastit tragjik në Pozharan ku humbën jetën katër anëtarë të familjes Zuka.

Haliti nëpërmjet një telegram ngushëllimi ka thënë se të gjitha institucionet komunale janë të prekura thellë nga kjo ngjarje tragjike, njofton Klan Kosova

Në telegram mes tjerash Haliti ngushëllon familjen Zuka.

“Rast i rëndë. Nuk mund të gjenden fjalë për ta përshkruar dhimbjen që na e solli lajmi i orëve të mbrëmjes në Pozheran, mbi tragjedinë familjare të familjes Zuka. Shuarja e 4 qytetarëve tanë që gjetën vdekjen në këtë tragjedi, brenda shtëpisë së tyre, na ka prekur thellë. Ngjarjet e tilla tragjike, kur shuhet një familje e tërë, janë tepër të dhimbshme, si për qytetarët po ashtu edhe për Institucionet komunale. Bashkndjejmë dhimbje me familjarët e të afërmit e familjes Zuka dhe u shprehim ngushëllimet më të sinqerta në emër të Institucioneve komunale të Vitisë dhe qytetarëve të kësaj komune”, thuhet në telegram.