Lajme

Kryetari i OVL-UÇK’së publikon një foto: Mos na përcillni sepse ne nuk kemi çka fshehim

Kryetari i OVL-UÇK’së publikon një foto: Mos na përcillni sepse ne nuk kemi çka fshehim
20:00 | 15 Shtator 2020

Kryetari i Organizatës së Veteranëve të Luftës së Ushtrisë Çlirimtare të Kosovës, Hysni Gucati, ka njoftuar se janë duke u vezhguar ngado që po shkojnë, pas publikimit të dosjeve të Gjykatës Speciale që iu erdhën në adresë të organizatës.

Gucati përmes një statusi në rrjetin social Facebook, ka publikuar një makinë teksa i përcjell nga mbrapa, duke kërkuar që të mos hargjojnë derivate kot, pasi nuk kanë çka të fshehin.

“Mos na i përcjellni makinat e me harxhu derivate kot, sepse ne nuk kemi çka fshehim dhe gjërat i themi publikisht”, ka shkruar Gucati.

Megjithatë, Gucati nuk ka treguar se nga kush janë duke u përcjellë.

Javën që shkoi përmes një konference për media, krerët e OVL-UÇK-së publikuan rreth 4 mijë dosje, të cilat pretendojnë se janë të Gjykatës Speciale.

Në ato dosje, thanë se kishte edhe emra të dëshmitarëve dhe dëshmi për bashkëpunimin mes Speciales dhe Prokurorisë së Serbisë.

 

Përfito FALAS një pushim për çift në Budva

Të tjera