Ka disa ditë që qytetarët e Dollcit të Klinës  po protestojnë kundër ndërtimit të fabrikës së Çimentos në fshatin e tyre.

Arsye e protestës së qytetarëve është se ata po e vlerësojnë që ndërtimi i kësaj fabrike, do të shkaktonte ndotje në këtë fshat.

I kontaktuar nga Front Online lidhur me shqetësimin e qytetarëve, kryetari i kësaj komune, Zenun Elezaj tha se qytetarët nuk duhen revoltohen se komuna nuk mund ta ndal ndërtimin.

“Unë jam votuar nga qytetarët e Klinës nuk kanë pse të revoltohen unë nuk kam ndërruar asnjë qëndrim edhe në fushat kur kom kandiduar për vota kam thënë që Komuna nuk mundet me ndalë ndërtimi e fabrikës së cementit janë institucionet e nivelit qendror që mund ta ndalin me dhënien dhe mos dhënien e pëlqimit dhe nuk kam ndërruar asnjë lloj qëndrimi. Normal që qytetarët shqetësohen por garantuesit për mbrojtjen e mjedisit është ministria e mjedisit, në aspektin instuticional në këtë drejtimit duhet të flas Ministria e Mjedisit e cila e ka lëshuar lejen për ndërtimin e fabrikës së cementit”, u shpreh Elezaj.

Ai tha se anëtarët e partisë dhe ky i fundit kanë votuar kundër nismës së ndërtimit të fabrikës por vendimi ju është kthyer kundër.

“Kuvendi Komunal dhe unë personalisht me gjithë anëtarët e asamblesë dhe partisë që përfaqësojmë kemi votuar kundër,  por ministria e pushtetit lokal me ministri të linjës  na kanë kthyer vendimin antiligjor vlerësimin e vendimit sepse ata e mbikëqyr punën e Kuvendit dhe marrjen e vendimeve e kanë kthyer anti-ligjor dhe ne kemi qenë të pafuqishëm”, potencoi ai.

Elezaj i reagon ministrit Aliut: Nëse e tërheq pëlqimin mjedisor për fabrikën e çimentos, përgjegjësia mbetet tek ti

Megjithatë, në lidhje me këtë problem të qytetarëve të Klinës ka reaguar sot edhe Ministri i Mjedisit, Liburn Aliu.

Ai ka thënë se po e shqyrtojmë komplet procesin e lejes për fabrikën e Çimentos.

Por, kryetari i komunës së Klinës Zenun Elezaj ka thënë se nëse e tërheq Aliu pëlqimin mjedisor, përgjegjësia mbetet tek ai.

“Ne si institucion e kemi lëshuar lejen e ndërtimit, unë si kryetar komune vetëm ligjin e respektoj ne e kemi respektuar, nuk ka çka me shqyrtuar Liburn Aliu, ministri i mjedisit nëse e tërheq pëlqimin mjedisor ai e merr përgjegjësinë e ndërtimit ose mos ndërtimit. Ai e ka lëshuar pëlqimin kohën kur ka qenë vet ministër nuk është përgjegjësi e jona është përgjegjësi e atij, unë kam kërkuar takim edhe me kryeministrin dhe ministrin e mjedisit”, tha Elezaj.

Kryetari i Klinës për ndërtimin e fabrikës: I ka plotësuar kushtet ligjore, s’mund t’ia refuzofsh lejen

Sipas Elezajt, komuna e Klinës nuk mund ta refuzojë lejen e ndërtimit të kësaj fabrike kur të gjitha nivelet qeveritare kanë dhënë pëlqimet.

“Ne e kemi lëshuar lejen sepse janë përmbushur të gjitha kushtet ligjore për me dhënë një leje të ndërtimit është dhënë pëlqimi mjedisor për ndërtimin e fabrikës së cementit nga Ministria e Mjedisit dhe kushtet për dhënien e lejes është me pas: pëlqimin mjedisore, destinimin e tokës që e njëjta është bërë prej Ministrisë së Bujqësisë të gjitha nivelet qeveritare i kanë dhënë pëlqimet dhe ne kemi ardhur para aktit të kryer dhe nuk mundesh me ua refuzuar lejen e ndërtimit”, përfundoi Elezaj për Front Online.