×
  • Bota/Rajoni
  • Bota/Rajoni

    Kryeministri britanik përshëndet marrëveshjen historike për klimën

    FrontOnline
    15 Nëntor 2021

    Kryeministri britanik lavdëroi marrëveshjen e arritur në përfundim të takimit dyjavor në Glasgou për nxitjen e përpjekjeve në luftën kundër ndryshimeve klimatike. Zoti Johnson tha se pavarësisht nga mosmarrëveshja mbi shpejtësinë e masave për të kufizuar ngrohjen globale në dekadat e ardhshme, “bota është pa dyshim në drejtimin e duhur”.

    Duke folur me gazetarët në Londër, Johnson tha sot se marrëveshja ishte “vërtet historike” dhe do t’i japë fund prodhimit të energjisë nga qymyrguri.

    “Pothuajse 200 vende firmosën paktin klimatik në Glasgou, duke shënuar kështu një kthesë vendimtare në përqasjen e botës ndaj ndotjes, duke përcaktuar një trajektore të qartë për kufizimin e rritjes së temperaturave globale deri në 1.5 gradë dhe duke shënuar kështu fillimin e fundit për energjinë nga qymyrguri. Për herë të parë, një konferencë për ndryshimin klimatik ka dhënë mandatin për të kufizuar gjenerimin e energjisë nga qymyrguri”, tha ai

    Por, Johnson u shpreh i zhgënjyer që rezultati i konferencës së OKB-së për klimën nuk ishte më i fortë.

    “Ne mund të lobojmë, mund t’i nxisim, t’i inkurajojmë, por nuk mundemi t’i detyrojmë vendet sovrane të bëjnë diçka që nuk e dëshirojnë. Është përfundimisht vendimi i tyre dhe duhet t’i përmbahen atij”, tha ai.

    Megjithatë, Johnson tha se pavarësisht nga mosmarrëveshja për përmasat dhe shpejtësinë e masave për të kufizuar ngrohjen globale në dekadat e ardhshme, “bota është pa dyshim në drejtimin e duhur”.

    Patricia Espinosa, drejtuesja e OKB-së për klimën, i tha agjensisë së lajmeve Associated Press se zgjidhja e një sfide të tillë si ndryshimi klimatik nuk mund të arrihet në një konferencë, por ajo shtoi se në Glasgou u arrit “një rezultat shumë pozitiv”.

    “Jam e kënaqur. Mendoj se është një rezultat shumë pozitiv pasi na ofron udhëzime të qarta se çfarë duhet të bëjmë në vitet në vazhdim. Sigurisht, ndryshimi klimatik nuk është diçka që mund të zgjidhet me një ose dy vendime, apo me një konferencë dy javore. Nuk është e mundur… Ajo që vëmë re është se për herë të parë po flasim për qymyrgurin dhe subvencionet për energjinë nga burime fosile, në kontekstin e ndryshimit klimatik. Mendoj se ky është një hap i mirë përpara”, tha  Espinosa./VOA

    Prince Caffe pjesëmarrës në panairin DUBAI EXPO 2021
    Nga Rubrika
    Bota/Rajoni13 Korrik 2024
    Policia ka arrestuar 40-vjeçarin në shtëpinë e të cilit u gjetën 4 persona të moshës nën 18 vjeç pa ndjenja dhe me...
    Bota/Rajoni13 Korrik 2024
    Presidenti i zgjedhur i Iranit, Masoud Pezeshkian, tha se dëshiron të përmirësojë raportet me shtetet evropiane, edhe pse ai i akuzoi këto...
    Bota/Rajoni13 Korrik 2024
    Zjarret janë ende aktive në malin Serta në Negotinë si dhe në Shtip në malin Ograzhden pranë kufirit bullgar. Ndërhyrjet si nga...
    Të tjera
    Lajme13 Korrik 2024
    Nënkryetari i Prishtinës, Alban Zogaj, ka bërë të ditur se rruga nga rrethi i vogël i Arbërisë e deri te rrethi i...
    Lajme13 Korrik 2024
    Presidentja e vendit, Vjosa Osmani, ka publikuar listën e plotë të zyrtarëve që i ka takuar gjatë vizitës së saj në Washington...
    Lajme13 Korrik 2024
    Sipas World Population Review, disa vende luftojnë më shumë me divorcin se të tjerët. Këto janë të dhënat për vitin 2022 dhe...
    Lajme13 Korrik 2024
    Shtetet e Bashkuara mirëpritën samitin me rastin e 75-vjetorit të themelimit të NATO-s në kohë të trazuara politike. Ndërkohë që sulmet e...
    Lajme13 Korrik 2024
    Është përfshirë nga zjarri një trafo e rrymës në fshatin Sopijë në Suharekë. “Rreth orës 16:45 në fshatin Sopijë përfshihet nga zjarri...
    Lajme13 Korrik 2024
    Kanë filluar pritjet e mërgimtarëve nëpër pikat kufitare për hyrë në Kosovë. Në pikëkalimin kufitar te Dheu i Bardhë, sipas Qendrës Kombëtare...

    FrontOnline, © 2024 Të gjitha të drejtat e rezervuara.