Kryediplomati i ardhshëm amerikan, pritet të jetë Antony Blinken, i cili si duket e njeh shumë mirë Kosovën dhe është është mbështetës i madh i yni.
Presidenti i zgjedhur amerikan Joe Biden pritet të emërojë të martën anëtarët e parë të kabinetit të tij, që sipas njoftimeve përfshijnë ish-zëvendës sekretarin e shtetit Antony Blinken në krye të Departamentit të Shtetit.
Se sa e njeh Kosovën dhe problemet e saj, Blinken ka treguar edhe kur nuk ka qenë në ndonjë pozitë shumë të rëndësishme në SHBA. Për shembull, në nëntor të vitit 2015, ai ishte takuar me presidentin e atëhershëm të Kosovës, Hashim Thaçin, për t’i dhënë mbështetje fushatës së Kosovës për anëtarësim në UNESCO.
“Krenar për ta përcjellë bindjen tonë të fortë se Kosova duhet të mirëpritet nga UNESCO Konferenca e Përgjithshme si anëtare e plotë”, kishte shkruar Blinken.
I thanked @ABlinken for the @StateDept support for #KosovoinUnesco – our positive campaign for an inclusive world. pic.twitter.com/qHHhFP4jNT
— Hashim Thaçi (@HashimThaciRKS) November 6, 2015
Në vitin pasues, ai i ishte gëzuar suksesit të xhudistes kosovare Majlinda Kelmendi, që e kishte fituar medaljen e artë në lojërat olimpike në Rio.
“Në lojërat e tyre të parë Olimpike, urime për Kosovo për fitimin e të artës në xhudo në Rio2016”, kishte shkruar Blinken.
Maliqi ka shkruar se Anthony Blinken, gjatë viteve 90 ka qenë pjesë e administratës Clinton, ndërsa në tetor 1998 ai kishte paralajmëruar ardhjen e misionit verifikues të OSBE dhe kishte kërcënuar Milloshevicin me bombardime.
“Sekretari i ri i shtetit të SHBA, Anthony Blinken, gjatë viteve 90 ka qenë pjesë e administratës Clinton. Ja një deklaratë e shkruajtur prej tij në emër të Clinton në tetor 1998 duke e paralajmëruar ardhjen e misionit verifikues të OSBE dhe duke e kërcënuar Millosheviqin me bombardime.”, ka shkruar Maliqi.
Blinken gjatë bombardimeve ka qenë në Këshillin e Sigurisë Kombëtare të Shtëpisë së Bardhë.
Bëhet fjalë për një person që e njeh shumë mirë Ballkanin si dhe rrëfimin dhe historinë e Kosovës
“Pra bëhet fjalë për një njeri që e njeh shumë mirë Ballkanin, si dhe rrëfimin dhe historinë e Kosovës. Analisti dhe ish-diplomati Daniel Fried vlerëson se Blinken është “më shumë si Albright se si Obama” – pra linjë pak më e ashpër brenda demokratëve dhe më pak hezituese per ta perdorur fuqinë amerikane në botë.”, tha tutje Maliqi
