Bota/Rajoni

Kroaci – Plenkoviç merr mandatin për krijimin e qeverisë së re

Kroaci – Plenkoviç merr mandatin për krijimin e qeverisë së re
16:59 | 16 Korrik 2020

Presidenti kroat, Zoran Milanoviç i dorëzoi zyrtarisht mandatin për të formuar qeverinë e re kryeministrit konservator, Andrej Plenkoviç.

Bashkimi Demokratik Kroat i Plenkoviçit (HDZ) fitoi zgjedhjet parlamentare më 5 korrik, duke marrë 66 vende nga 151.

Plenkoviç fitoi mbështetjen e tetë përfaqësuesve të pakicave dhe dy nga partitë e vogla, duke arritur në gjithsej 76 deputetë.

Në thelb, fitorja çuditërisht e fortë i dha mundësinë Plenkoviçit që të shmangte bisedimet e koalicionit me lëvizjen kombëtare të djathtë ekstreme të ish-këngëtarit Miroslav Skoro.

Plenkoviç pritet të zbulojë qeverinë e re dhe parlamenti i ri pritet të mblidhet për herë të parë të mërkurën dhe të votojë për kabinetin e ri në fund të javës./atsh/

Apliko online për kredi në IBAS, përfito subvencionim nga Qeveria

Të tjera