Ekonomi

Kriza energjetike globale rrit koston totale tek bizneset në Kosovë

Kriza energjetike globale rrit koston totale tek bizneset në Kosovë
11:38 | 13 Tetor 2021

Kryetari i Odës Ekonomike të Kosovë, Berat Rukiqi në një konferencë për medie ka folur rreth krizës globale energjetike.

Ai ka thënë se kjo do të ketë efektet e saj edhe në sektorin privat në Kosovë.

Sipas analizës së OEK, kriza energjetike do të ketë ndikime negative tek bizneset sidomos tek kostot totale.

“Kjo e ka ndiku Ferrenikelin. Mund të ketë ndikim te kostoja e ujit dhe ngrohjes. Ndikim në koston e transportit, disa produkteve finale, lëndës së parë, kosto me energji elektrike”, vlerësoi ai.

Ai ka thënë se shkaktar i kësaj krize është tranzicioni energjetik, kërkesa për gaz natyror, mbyllja e disa minierave në Azi.

I pari i OEK ka dhënë edhe disa rekomandime, të ndara në tri faza karshi kësaj krize.

Sipas tij, Kosova duhet ta bëjë të qartë se prej nga do të furnizohet me energji elektrike.

Këtë e tha teksa rikujtoi se vendi nuk është përcaktuar akoma për projektin e gazit.

Përfito FALAS një pushim për çift në Budva

Të tjera