Ministri i Administrimit dhe Pushtetit Lokal (MAPL), Elbert Krasniqi, në seancën e Kuvendit të Kosovës, ka bërë të ditur se dy kryetarët e PDK-së, në Zubin Potok, Izmir Zeqiri, dhe ai i Zveçanit, Ilir Peci, kishin kërkuar nga ai që betimin solemn mos ta bëjnë në objektin komunal përkatës.

“Kam besu që në këtë proces të jemi bashkë, është proces nacional që kryetarët të jenë në komunë, në vazhdimësi PDK ka kundërshtu që ne nuk po koordinohemi që po i anashkalojmë dy kryetarët nga radhët e partisë së tyre, e kam bërë të qartë se në momentin kur zgjedhësh kryetar komune do të bie poshtë uniforma partiake. Dy kryetarët e PDK-së, kanë ardhur në zyrë që seancat të mbahen në Çabër dhe Boletin. Ka qenë kërkesë ekskluzive që ato të bëhen ashtu”, ka thënë ai.

“Kanë dërgu e-maila që seanca të mbahet në objektet e zyreve të Zveçanit dhe Zubin Potokut, ishte kohë e shkurtër nuk mundem t’i organizojmë takimet e kuvendit vendosëm t’i lejojmë të mbahen në Çabër dhe Boletin, të nesërmen e bëm të mundshme që kryetarët të shkojnë në zyre. Të dy i kam vizitu në zyre, jemi dakordu të punojmë t’i mbështesim në përbërjen e kabinetit të tyre, që qeverisja atje të mos jetë njëetnike, të ketë hapësirë për serbët”, ka vijuar Krasniqi.

Ai foli për kryetarin e Mitrovicës së Veriut, Erden Atiq, për të cilin tha se po e vazhdon qeverisjen në mënyrë normale.