Ushtruesi i detyrës së drejtorit të Shërbimit Spitalor Klinik Universitar të Kosovës (ShSKUK), Valbon Krasniqi ka bërë të ditur se tashmë Enver Xhokli dhe Fidan Gashi të lënduar nga shpërthimi i bombolës së gazit në Ferizaj tashmë janë dërguar ën Austri për shërim.
Përmes, një postimi në profilin e tij në Facebook, Krasniqi ka shkruar se aktualisht në Klinikën e Kirurgjisë Plastike janë duke u trajtuar edhe 8 pacientë, ndërsa të gjithë të lenduarit e tjerë, përfshirë edhe ata që morën trajtime në Spitalin e Ferizajit, tashmë janë liruar në shtëpi.
Postimi i tij i plotë:
Me ndihmën e shtetit austriak sot u dërguan për trajtim të mëtutjeshëm në Austri dy pacientët e lënduar nga shpërthimi në Ferizaj, që ishin në gjendje më të rëndë.
Falenderojmë ambasadorin e Austrise në Kosovë Z.Christoph Weidinger për kontributin e tij direkt që bëri të mundur dërgimin e pacientëve për trajtim më të avansuar shëndetësor në Austri.
Aktualisht në Klinikën e Kirurgjisë Plastike janë duke u trajtuar edhe 8 pacientë, ndërsa të gjithë të lenduarit e tjerë, përfshirë edhe ata që morën trajtime në Spitalin e Ferizajit, tashmë janë liruar në shtëpi.
Me urimin që të gjithë të lënduarit të shërohen sa më shpejtë dhe të kthehen në familjet e tyre, falenderojmë Shtetin e Turqisë dhe të Austrisë qe bën të mundur dërgimin e qytetarëve tanë për shërim në shtetet e tyre.
Falënderime kolegëve tanë në SP të Ferizajit dhe të QKUK për intervenimet e shpejta dhe profesionale në trajtimin e të gjithë të lënduarve./FrontOnline/
https://www.facebook.com/permalink.php?story_fbid=786365191953991&id=100017415528003