Ish-futbollisti dhe trajneri i njohur nga Kroacia, Miroslav Çiro Blazeviq ka ndërruar jetë, shkruan FrontOnline.
Bleziviq e kishte drejtuar edhe klubin më të madh në Kosovë, Prishtinën në vitin 1986, në periudhën kur bardhekaltërit luanin në ligën e parë federative të ish-Jugosllavisë.
Ish-trajneri kroat ka qenë duke vuajtur nga sëmundja e kancerit që disa vite.
Për herë të parë, ai ishte diagnostifikuar me kancer në vitin 2011, derisa e mundi dy herë, por që në herën e tretë, ai nuk ia doli.
Ardian Kozniku e ka marrë me pikëllim lajmin për vdekjen e legjendës kroate, Ciro Blazeviq.
Ish-futbollisti i njohur kosovar kishte punuar me selektorin e dikurshëm të Kroacisë, me të cilin e kishin fituar medaljen e bronztë në Botërorin 1998.
Kozniku ka kujtime shumë të mira me Blazevicin, i cili ndërroi jetë sot në mëngjes, një ditë pa i mbushur 88 vjet.
Trajneri nga Kosova e ka bërë një postim në rrjetet sociale, përmes së cilit e ka kujtuar ish-trajnerin legjendar të Prishtinës.
“Shefi im, faleminderit për gjithçka. Pusho në paqen e Zotit”, ka shkruar Kozniku./FrontOnline/