×
  • Lajme
  • Lajme

    Kosova pranon donacion edhe 100 mijë teste PCR

    FrontOnline
    14 Tetor 2020

    Ministria e Shëndetësisë ka pranuar një donacion prej 100 mijë testeve molekulare për COVID-19 dhe pajisje të tjera përcjellëse nga Fondacioni Kosovar për Shoqëri të Hapur (KFOS).

    Ministri i Shëndetësisë, Armend Zemaj, këtë donacion e ka konsideruar si një lajm të mirë pasi që rrit fuqinë testuese karshi mobilizimit të vendit karshi pandemisë.

    Zemaj: 100 mijë testet rrisin fuqinë testuese në Kosovë

    “Lajmi i mirë është që Fondacioni ka siguruar dhe sot dorëzon një donacion të çmueshëm prej 100 mijë testeve molekulare dhe pajisjeve të tjera përcjellëse, vlera e të cilit është një shumë e konsiderueshme prej 1.5 milionë dollarësh. Donacioni është kontribut i çmueshëm i rëndësishëm për këtë fazë të menaxhimit të pandemisë e rrit fuqinë testuese, përgatitjet tona karshi mobilizimit tonë për testime të nevojshme dhe të domosdoshme që ta kemi situatën pandemike nën kontroll…Kjo ndihmë besojmë dhe shpresojmë që do na ndihmojë shumë neve profesionistëve shëndetësore, IKSHP-së që në angazhimit tonë të përbashkët të ecim sigurt mëtutjeshëm”, tha Zemaj.

    Zemaj tutje tha se përkundër që situata pandemike është e qetë, kujdesi nuk duhet të mungojë.

    Ai ka siguruar të gjithë qytetarët e Kosovës se të gjithë do të testohen bazuar në nevojat për testim.

    Zemaj: Duke respektuar masat mund të kemi situatë stabile

    “Ne jemi në një situatë emergjente, asnjëherë nuk jemi larguar qoftë edhe nga puna dhe parashikimi për të ardhmen, pavarësisht që Kosova është ndër vendet që gëzon statutin për menaxhimin më të mirë të situatës pandemike, duhet të jemi të kujdesshëm dhe vigjilent dhe ta ruajmë këtë situatë. Përgatitjet që po i shihni, rritja e kapaciteteve testuese, rritja e kapaciteteve spitalore duhet të na shërbejë më shumë si përgjegjësi rreth të ardhmes tonë apo edhe rreth ruajtjes nga rritja e infeksionit…Sa i përket masave ajo çka po bëjmë intezivisht është kërkesa për respektim strikt të masave vetëm kështu ne mund të kemi një situatë stabile dhe mos të kemi rishikim të masave apo kufizim siç i kishim gjatë muajve korrik dhe shtator”, deklaroi i pari i Shëndetësisë në vend.

    Ministri Zemaj në këtë konferencë për media foli edhe rreth rritjes së kapaciteteve shtesë derisa tha se deri në fund të muajit në qendrat rajonale të IKSHPK-së do të pajisjen me testet PCR.

    Zemaj: Deri në fund të muajit Qendrat Rajonale do pajisjen me testet PCR

    “Kemi edhe gjashtë pajisje që janë në proces të liferimit janë blerë është nënshkruar kontrata jemi duke i bërë përgatitjet në gjashtë qendrat janë disa përmirësime në objektet nga Prizrenit që e kemi parë në aspektin fizik dhe në atë të Gjilanit, dhe në fund të muajit në gjashtë qendrat rajonale do kenë testet PCR. Pavarësisht këtyre testeve që po i marrim nga donatori dhe nga miqtë e Kosovës ne jemi duke siguruar edhe procedura të tjera që të kemi rritje të kapaciteteve testuese edhe të 60 mijë testeve sipas kërkesës së laboratorit të IKSHP-së“, tha ai.

    Kurse, drejtori ekzekutiv i Fondacionit Kosovar për Shoqëri të Hapur (KFOS), Luan Shllaku shprehu besimin e tij që këto teste do e zbusin edhe më tutje situatën e përgjithshme epidemiologjike në vend.

    Shllaku: Këto teste u realizuan për një kohë të shkurtër

    “Ne flasim për 100 mijë teste që shpresoj që sado kudo do ta zbusin situatën e përgjithshme për të cilën të gjithë po luftojmë. Ne kishim kënaqësi që të punojmë me kolegët e IKSHP-së.. Ky grant është realizuar për një kohë të shkurtër sepse jemi në kohë të emergjencës nuk kemi kohë për tepër shumë burokraci”, tha Shllaku.

    Ministri i Shëndetësisë, Armend Zemaj i pyetur për fillimin e hetimeve për tenderët e dhënë nga Ministria e Shëndetësisë gjatë kohës kur ajo udhëhiqej nga Arben Vitia, tha se nuk ka të bëjë asgjë me këtë çështje dhe se kjo më së paku i intereson. /B.Ibishi/

    Artani paralajmëron Xhulin: Ruaju!
    Nga Rubrika
    Lajme29 Mars 2024
    Ministria e Ekonomisë ka përmbyllur me sukses procesin ofertues për Ankandin Solar Fotovoltaik (FV) prej 100 MW, me ç’rast kanë ofertuar pesë...
    Lajme29 Mars 2024
    Një incident ka ndodhur dje në strehimoren për rastet e dhunës në Gjakovë, ku një e mitur ka sulmuar fizikisht një të...
    Lajme29 Mars 2024
    Ministri i Punëve të Brendshme, Xhelal Sveçla, me ftesë të homologut i tij, Taulant Balla, mori pjesë në një vizitë zyrtare në...
    Të tjera
    Lajme29 Mars 2024
    Në kuadër të rotacionit të madh në postet diplomatike të Bashkimit Evropian nëpër botë, Mirosllav Lajçak, që aktualisht është i dërguari i...
    Sport29 Mars 2024
    Boksieri shqiptar, Florian Marku është duke u përgatitur për meçin e së dielës, ndaj Chris Kongo. Dje në konfernecë për media dhe...
    Kronika29 Mars 2024
    Të paktën gjashtë raste të dhunës në familje janë regjistruar në raportin e fundit 24-orësh të Policisë. Dy prej rasteve kanë ndodhur...
    Lajme29 Mars 2024
    Drejtoria Rajonale e Policisë Gjilan, njësia rajonale e trafikut rrugor dhe stacionet policore të Drejtorisë Rajonale të Policisë Gjilan gjatë periudhës kohore...
    Lajme29 Mars 2024
    Presidentja e Kosovës, Vjosa Osmani, ka kujtuar masakrën e Belegut në Deçan, në përvjetorin e 25-të ku u vranë 46 shqiptarë. Osmani...
    Vip29 Mars 2024
    Markat e ndryshme të modës, sidomos ato luksoze, shpeshherë krijojnë produkte me dizajne unike, e të cilat jo rrallëherë edhe kritikohen shumë...

    FrontOnline, © 2024 Të gjitha të drejtat e rezervuara.