Trajneri i Kosovës, Alain Giresse është duke folur në një konferencë për media në prag të ndeshjes kundër Qipros.
Kosova dhe Qipro përballen të martën mbrëma me fillim nga ora 20:45 në stadiumin “Fadil Vokrri” në Prishtinë në kuadër të Grupit 3 të Ligës C në Ligën e Kombeve.
Tekniku francez ka konfirmuar se kapiteni Amir Rrahmani dhe portieri Arijanet Muriq janë në dyshim për takimin e të martës.
“Gjendja momentale e ekipit është, Muriq është lënduar në Irlandë të Veriut andaj nuk e di gjendjen e tij. Amir Rrahmani ka përmisim por ende nuk e dimë a mund të luajë”, theksoi Giresse në konferencë për media, përcjell Demokracia.
Kosova zë vendin e dytë me gjashtë pikë, kurse Qipro ka një pikë më pak në vendin e katërt. Greqia është e para me 12 pikë, ndërsa Irlanda e Veriut ka pesë pikë në vendin e tretë.