×
  • Sport
  • Sport

    Kosova e gatshme për të vazhduar tutje

    FrontOnline
    09 Tetor 2020

    Përkundër humbjes së dhimbshme në ndeshjen e “Play-Off”-it për Euro 2020, të zhvilluar mbrëmë, ekipi kombëtar i Kosovës është i gatshëm për të vazhduar tutje, në tentim që ëndrrën e ndërprerë ta arrijë sa më shpejtë.

    Në këtë aspekt, presidenti i FFK-së, Agim Ademi pati sot takime të veçanta, fillimisht me futbollistët e pastaj me shtabin teknik të ekipit.

    Në takim me lojtarët, Ademi i falënderoi ata për kontributin që kanë dhënë dhe vazhdojnë të japin për ekipin kombëtar, duke shfaqur besimin e fuqishëm të tij, Komitetit Ekzekutiv por edhe të gjithë Federatës së Futbollit kundrejt ekipit. Njëherësh Ademi kërkoi nga futbollistët që të vazhdojnë të jenë të bashkuar dhe të luajnë me përkushtim e përgjegjësi më të madhe sepse e përfaqësojnë shtetin tonë, që u krijua me sakrificë dhe mund të madh, prandaj edhe duhet ta ruajnë dhe ta prezantojnë atë me dinjitet e përgjegjësi, duke mos u ndalur asnjëherë së luftuari për të arritur ëndrrën tonë të përbashkët.

    Po ashtu, Ademi u shpreh në mbrojtjen e të gjithë atyre futbollistëve që nuk kanë mundur të jenë kësaj radhe me ekipin, edhe pse FFK ka qenë shumë e përkushtuar, duke mos kursyer asgjë për t’i sjellë ata në Kosovë.

    Ademi me këtë rast falënderoi edhe institucionet shtetërore për angazhimin e tyre për ta sjellë Amir Rrahmanin në Kosovë, si Ministrinë e Sportit, Ministrinë e Punëve të Jashtme, ambasadën italiane në Prishtinë, ambasadoren e Kosovës në Romë, Federatën e Futbollit të Italisë si dhe UEFA-n e FIFA-n që kanë qenë të involvuara në këtë rast, pas vendimit të autoriteteve shëndetësore të Regjionit të Napolit për të mos e lejuar atë të udhëtojë në Kosovë. Prandaj, kritika ndaj këtyre futbollistëve është krejtësisht e padrejtë sepse ata futbollistë janë vlerë e Kosovës.

    Ademi kërkoi nga futbollistët që ta mirëkuptojnë opinionin e drejtë të njerëzve dashamirës dhe të tifozëve sepse ata e duan rezultatin e tyre dhe të Kombëtares dhe në çdo humbje dëshpërohen, ngase secili nga ta e ka nga një pjesë të Kosovës dhe të suksesit të saj.

    Në anën tjetër edhe futbollistët u shprehën se pavarësisht zhgënjimit të madh të të gjithëve, nuk ka vend e as kohë për dorëzim apo hap prapa. Futbollistët tashmë kanë lënë prapa tyre rezultatin e mbrëmshëm dhe janë fokusuar për ndeshjet e radhës në kërkim të maksimumit që nga ndeshja e së dielës ndaj Sllovenisë.

    Atmosferë e njëjtë ishte edhe në takim me shtabin teknik. Ademi shfaqi besimin e tij ndaj përzgjedhësit Bernard Challandes dhe bashkëpunëtorëve të tij, duke kërkuar nga ta që të jenë edhe më vigjilentë në këtë periudhë jo të lehtë për ekipin dhe që të jenë të gatshëm për të ndihmuar futbollistët ta përballojnë këtë situatë, si dhe që t’u japin mundësi të gjithëve dhe të krijojnë ekipin më të mirë.

    Në anën tjetër përzgjedhësi Challandes në këtë takim tha se ai e merr përgjegjësinë për rezultatin e djeshëm, por po ashtu u shpreh i gatshëm dhe entuziast për të vazhduar punën me këtë ekip dhe për të provuar të marrë maksimumin nga ky grup i lojtarëve ndaj të cilëve ai shprehu besim të plotë.

    Petrol Company zbret çmimet në Ditën e Verës: Benzinë 1.70 euro dhe Diesel 1.85 Euro për litër
    Nga Rubrika
    Sport28 Mars 2024
    Florian Marku këmbëngul se Chris Kongo, kundërshtari i tij mbrëmjen e së dielës, ka bërë një gabim të madh. Kongo, pohon ai,...
    Sport28 Mars 2024
    Manchester United raportohet se është i gatshëm të paguajë klauzolën e transferimit të Gleison Bremerit. Mbrojtësi iu bashkua Juventusit në verën e...
    Sport28 Mars 2024
    Pas formës së mirë dhe golave me Rapid Bukureshtin, Albion Rrahmani pritet që në verë të bëjë hapin e madh, gjë që...
    Të tjera
    Lajme28 Mars 2024
    Ambasadori i Mbretërisë së Bashkuar në Kosovë, Jonathan Hargreaves, ka qenë në Mitrovicë ku është takuar me kreun e kësaj komune Bedri...
    Lajme28 Mars 2024
    Lulzim Rafuna, kryetar i Odës Ekonomike të Kosovës (OEK), ka thënë të enjten se imazhi i krijuar për Kosovën që “mund të...
    Lajme28 Mars 2024
    Kandidati i PDK-së për kryeministër, Bedri Hamza, ka folur për kandidaturën e tij dhe përballjen në zgjedhje me kryetarin e VV-së, Albin...
    Sport28 Mars 2024
    Florian Marku këmbëngul se Chris Kongo, kundërshtari i tij mbrëmjen e së dielës, ka bërë një gabim të madh. Kongo, pohon ai,...
    Lajme28 Mars 2024
    Ministrja e Drejtësisë, Albulena Haxhiu, ka reaguar pas triumfit të jashtëzakonshëm të studentëve të Fakultetit Juridik të Universitetit të Prishtinës, të cilët...
    Lajme28 Mars 2024
    Kandidati për kryeministër nga radhët e Partisë Demokratike të Kosovës, Bedri Hamza, ka thënë se asnjë qeveri s’ka mundësi që t’i kryej...

    FrontOnline, © 2024 Të gjitha të drejtat e rezervuara.