[wp-story]

Lajme

Konjufca urohet nga kryetari i Kuvendit të Sllovenisë

Konjufca urohet nga kryetari i Kuvendit të Sllovenisë
14:18 | 13 Janar 2020

Kryetari i Kuvendit të Kosovës Glauk Konjufca, ka marrë një telegram urimi nga homologu i tij slloven Dejan Zidan.

Në telegramin e kryetarit të Kuvendit Kombëtar të Sllovenisë shkruan:

“Shkëlqesia Juaj,

Në emrin tim personal dhe të Kuvendit Kombëtar të Republikës së Sllovenisë, më lejoni t’ju përcjelli urimet e sinqerta për zgjedhjen në postin e kryetarit të Kuvendit të Republikës së Kosovës. Unë jam i bindur që do t’i përkushtoheni përmbushjes së qëllimeve të caktuara me zgjuarsi dhe të bëni përpjekje të mëdha për realizimin e tyre. Ju dëshiroj suksese në kryerjen e përgjegjshme të punës suaj.

Me këtë rast, dëshiroj të shpreh sa jam i kënaqur me marrëdhëniet tradicionalisht të mira ndërmjet Republikës së Sllovenisë dhe Republikës së Kosovës. Unë jam i bindur se nëpërmjet një bashkëpunimi aktiv të dy parlamenteve, edhe në të ardhmen do të zhvillohet me sukses kjo marrëdhënie. Njëkohësisht, do të dëshiroja t’ju siguroja se Republika e Sllovenisë do të vazhdojë me mbështetje të fuqishme ndaj progresit të vendit tuaj në procesin e zgjerimit euro-atlantik, dinamika e së cilit është me rendësi të veçantë në kohen kur jemi duke u ballafaquar me sfidat globale dhe rajonale që janë gjithmonë në rritje.

Lidhur me këtë, Kuvendi Kombëtar i Sllovenisë do të jetë gjithmonë i gatshëm për bashkëpunim duke ndarë njohuritë e kërkuara, përvojën dhe praktikat e mira

Shkëlqesia Juaj, ju lutem më lejoni t’ju dëshiroj sukses, lumturi dhe mirëqenie personale në vitin që sapo ka filluar.
Ju lutem pranoni konsideratën time më të lart“.​

“Petrol Company” në natën e “Kurban Bajramit” e bën me shtëpi të re familjen nga Skenderaj

Të tjera