Instituti Kombëtar i Shëndetit Publik ka njoftuar se në 24 orët e fundit janë konfirmuar 181 raste të reja me koronavirus dhe se janë regjistruar tri raste të vdekjeve.

Bazuar në raportin e fundit të IKShP’së, edhe sot komuna me më së shumti raste është Prishtina, pasuar nga Prizreni, Podujeva dhe Gjilani.

“Rastet pozitive janë nga: komuna Prishtinë 87 raste, komuna Prizren 13 raste, komuna Podujevë 12 raste, komuna Gjilan 11 raste, komuna Lipjan 9 raste, komuna Drenas 8 raste, komuna Viti 8 raste, komuna Fushë Kosovë 7 raste, komuna Obiliq 6 raste, komuna Ferizaj 3 raste, komuna Rahovec 3 raste, komuna Suharekë 3 raste, komuna Shtime 2 raste dhe me nga një rast komunat Dragash, Graçanicë, Han i Elezit, Klinë, Kllokot, Malishevë, Mitrovicë, Skenderaj dhe Vushtrri”, thuhet në njoftim.

Me rastet e reja, numri i personave që janë konfirmuar me COVID-19 që nga fillimi i pandemisë ka arritur në 9 mijë e 869, me gjithsej 303 raste të vdekjeve, të cilët kanë pasur edhe sëmundje të tjera shoqëruese.