[wp-story]

Tenderët

Komuna e Suharekës e anulon tenderin, dyshon në falsifikim të dokumentit

Komuna e Suharekës e anulon tenderin, dyshon në falsifikim të dokumentit
14:14 | 24 Janar 2020

Tenderi në vlerë prej rreth 50 mijë euro i Komunës së Suharekës për shërbimet e zhvendosjes me merimangë të automjeteve në territorin e saj ka shkuar drejt anulimit për shkak të dyshimeve për fasifikim të dokumenteve nga një kompani private pjesëmarrëse në këtë proces të prokurimit, raporton portali “Front Online”.

Tenderin e kanë fituar kompaninë “Xoni SHPK dhe Osmani”, por zyrtarët komunal po pretendojnë se një referencë e një kompanie të sigurimeve është e falsifikuar.

“Gjatë zhvillimit të procedurës së prokurimit kemi pasur një vendim të Organit Shqyrtues të Prokurimit(OSHP) për vlerësim të kësaj lënde, me ç’rast është kërkuar të verifikohen dokumentet e lëshuara nga autoritetet dhe operatorët e ndryshëm ekonomik. Bazuar në listën e kontratave të kompanive Xoni dhe Osmani kemi një kontratë dhe një referencë të lëshuar nga kompania “Sigma Group”, por ka mospërputhje mes kontratës dhe referencës”, ka deklaruar në seancën e OSHP-së Bujar Kuqi nga Komuna e Suharekës.

Ai ka shtuar se Komuna i është drejtuar kompanisë së sigurimeve “Sigma”, e cila ka lëshuar këtë referencë të prezantuar nga operatori ekonomik, por kompania e sigurimeve  u ka bërë të ditur se dokumentin nuk e kanë lëshuar ata dhe kërkojnë që i njejti mos të merret valid, raporton portali “Front Online”.

Në anën tjetër, Hasan Osmani nga kompania “Osmani” ka thënë se dokumenti është i lëshuar nga “Sigma”, duke e mohuar se të njejtin e kanë falsifikuar.

“Unë nuk i kam vulat e tyre, prandaj nuk kam si ta nënshkruaj dhe ta vulosi. Ne kemi kontratë me Sigma-n që 15 vite”, ka thënë Osmani.

Ndërsa në pyetjen e kryetarit të panelit shqyrtues, Nuhi Paqarizi, për operatorin ekonomik se a e kanë kontaktuar kompaninë “Sigma” pas kësaj përgjigje të tyre, përfaqësuesi i operatorit ekonomik ka thënë se një dokument të tillë më herët e ka nënshkruar një drejtor tjetër.

Vendimi i Panelit Shqyrtues për këtë aktivitet Prokurimit do të merret në ditët në vijim, deri sa portali “Front Online” do të iu mbaj të informuar në vazhdimësi për rrjedhën e këtij procesi të prokurimit.

 

“Graniti” hap showroom-in e dytë në Prishtinë (VIDEO)

Të tjera