×
  • Tenderët
  • Tenderët

    Komuna e Vitisë, tender gjysmë milionësh në kundërshtim me rekomandimet e Antikorrupsionit

    Fatlum Berisha
    16 Prill 2021

    Sokol Haliti s`po i jep “pesë pare”.

    Në rolin e kryetarit të Vitisë ai po duket goxha i vendosur ta sfidojë Ligjin e Prokurimit Publik për një tender mbi gjysmë milioni eurosh i cili ka të bëjë me asfaltimin e një rruge në fshatin Stubëll e Epërme të komunës që drejton.

    Ai së bashku me menaxherin e zyrës së Prokurimit, Fadil Abazi, s`po zmbrapsen nga shpallja e këtij tenderi që e hapën me 16 mars të këtij viti, ani se disa kritere të tij bien ndesh me ligjet në fuqi të Prokurimit Publik.

    Rol s`kanë luajtur as rekomandimet e Agjencisë AntiKorrupsion që të evitohen shkeljet e tilla ligjore.

    Njoftimi për hapjen e tenderit

    Ndër kriteret bazë për dhënien e tij ka qenë që kompanitë aplikuese të ofrojnë dëshmi se kanë staf prej 25 vetash në 3 vjetët e fundit.

    Kjo bie në kundërshtim me nenin 69 të Ligjit në fuqi të Prokurimit Publik. Më saktësisht me pikën 6.4 të tij.

    Aty thuhet se autoriteti kontraktues mund t`i kërkojë bizneseve minimumin e mesatares së fuqisë punëtore dhe stafit menaxherial për secilin nga tri vitet e fundit.

    Veprimet që ka ndërmarrë komuna për këtë tender janë në kundërshtim edhe me nenin 7 që flet për barazinë dhe mosdiskriminimin.

    Shkeljet ligjore i ka evidentuar edhe Agjencia AntiKorrupsion.

    Andaj përmes një opinioni të saj, i siguruar nga Front Online, i ka rekomanduar Komunës së Vitisë t`i shmang ato.

    Rekomandimin që mban datën e 24 marsit, 8 ditë pas shpalljes së tenderit, AAK-ja ia ka nisur kryetarit vitijas, Sokol Haliti.

    E krahas tij edhe Fadil Abazit, menaxher për Prokurim në komunë.

    Kërkesa siç duket ka rënë në veshë të shurdhër.

    Meqë, njoftimi për kontratë është po ai i njëjti si kur u hap me 16 mars.

    Bile kompanitë tashmë kanë nisur me ofertimet. Janë gjithsej 5 sosh.

    “Zuka Commerce” dhe “Rahovica Comerce” ia kanë mësyrë vetë punës.

    “Alfai. I”, “Pro& Co Group” dhe “Eskavatori” vetë të dytit, secila edhe me nga një kompani tjetër.


    “Zhduket” rekomandimi i Agjencisë Antikorrupsion

    Front Online ka kontaktuar me komunarët e Vitisë për t`i pyetur se pse nuk kanë ndërmarrë ndonjë hap as pas këshillave të Agjencisë AntiKorrupsion.

    Kryetari Haliti, çështjen, ia ka deleguar menaxherit për Prokurim, Fadil Abazi.

    E ky i fundit tha se nuk është në dijeni për një opinion të tillë ani se në dokumentin e marrë nga Front Online, dëshmohet se një i tillë është nisur në adresë të të dyve.

    “Lidhur me këtë opinion unë edhe atë ditë ju thashë se nuk jam në dijen. Tash jam duke e kërkuar në email, por s`ka shansa me gjete dikun”, u shpreh Abazi për Front Online.

    Bile Abazi thotë se angazhoi edhe asistenen e kryetarit për ta lypur këtë dokument, por qe as ajo nuk arriti ta gjejë “kurrkund” atë.

    E jo vetëm.

    “Unë provova me i marrë në telefon agjencinë, por nuk mujta me i marrë në telefon”, tha Abazi.

    Të kundërtën e thonë në Agjencinë Antikorrupsion.

    Komuna, sipas Afrim Atashit, drejtor i Departamentit për parandalimin e korrupsionit, ua ka konfirmuar pranimin e rekomandimit.

    “Nuk e di a kanë ndërmarrë ndonjë hap pastaj për me i korrigju ato shkelje. Po konfirmimin e kena marrë prej tyre”, tha Atashi për Front Online.

    Sfiduesi i Ligjit

    Komuna e Vitisë në krye me Sokol Halitin e kishte sfiduar edhe më herët Ligjin e Prokurimit Publik.

    Bëhej fjalë për një kontratë milionëshe po ashtu që kishte të bënte me asfaltimin e një rruge.

    Komuna kishte përzgjedhur fituese kompaninë “Pro& Co Group” që ishte në konzercium me kompaninë “Eskavatori”.

    Me këtë s`u pajtuan kompanitë e tjera garuese, të cilat u ankuan në OSHP, e cila e anuloi tenderin.

    Kjo për faktin se gjeti elemente diskriminuese të përdorura ndaj këtyre kompanive ankuese dhe të tjera favorizuese ndaj dy të tjerave, “Pro& Co Group” dhe “Eskavatori”.

    Ajo që bie në sy është se këto dy kompani janë në garë edhe për këtë tender, veçse tash ndaras prej njëra-tjetrës.

    Getinjo kërkon të largohet nga shtëpia e Big Brother VIP Kosova
    Nga Rubrika
    Tenderët24 Janar 2024
    Ministria e Punëve të Brendshme (MB) që drejtohet nga Xhelal Sveçla, ka shpallur një tender prej 120 mijë euro për shërbime hoteliere,...
    Tenderët11 Janar 2024
    Telekomi i Kosovës ka shpërblyer me tender 15 milionësh kompaninë nga Kroacia “Ericsson Nikola Tesla d.d”, raporton Front Online. Në njoftimin e...
    Hulumtime10 Janar 2024
    Ministria e Shëndetësisë (MSH) ka shpallur tenderin prej më shumë se 22 milionë euro për përfundimin e punimeve në ndërtimin e objektit...
    Të tjera
    Lajme18 Mars 2024
    Shefi i Grupit Parlamentar të PDK-së, Abelard Tahiri, tha se do ta lë mandatin e deputetit nëse Albin Kurti do të zgjedhet...
    Sport18 Mars 2024
    Kombëtarja e Kosovës ka filluar grumbullimin e parë për këtë vit nën drejtimin e përzgjedhësit të ri, Franco Foda dhe stafit të...
    Lajme18 Mars 2024
    Kryetari i Kuvendit të Kosovës Glauk Konjufca ka goditur emisarin amerikan, Gabriel Escobar. Tutje, Konjufca për emisarin amerikan Escobar ka thënë se...
    Sport18 Mars 2024
    Kombëtarja e Shqipërisë ka zhvilluar seancën e parë stërvitore para miqësoreve të këtij muaji. Në stërvitjen e parë pati disa mungesa, të...
    Kronika18 Mars 2024
    Është gjobitur një 25-vjeçar në Ferizaj, i cili u zu nga policia duke vozitur kur atij iu kishte ndaluar ky akt për...
    Lajme18 Mars 2024
    Kryetari i Kuvendit të Kosovës Glauk Konjufca sot ka folur për rolin e tij në Kuvendin e Kosovës. Përveç kësaj ai ka...

    FrontOnline, © 2024 Të gjitha të drejtat e rezervuara.