Komuna e Gjakovës ka rekomanduar për kontratë në vlerë 275 mijë euro kompaninë, MSS Mobile Sanitary Services.

Këtë e përzgjodhi si fituese për të bërë pastrimin e brendshëm të spitalit ”Isa Grezda” që ndodhet në këtë komunë.

Vlefshmëria e kontratës është për 12 muaj.

Kompania MSS ofertoi më së liri për këtë aktivitet prokurimi.

Doli me një çmim prej 275 mijë eurove, përdallim prej shtatë operatorëve tjerë garues që nxorën çmime më të larta.

Laguna me 277 mijë euro, Schafberg me 291 mijë dhe konsorciumi Skyfterat dhe Capital X me 292 mijë sosh.

Erik ofertoi me 289 mijë. Selmans Networks me 283 mijë euro. Efa Deinstleistung me 276 mijë sosh.

Krejt në fund kompania Krasniqi me 293 mijë euro.

Spitali i Përgjithshëm ”Isa Grezda” në Gjakovë, është njëri prej pesë spitaleve rajonale dhe dy spitaleve të komunave Ferizaj dhe Vushtri në Kosovë, i cili ofron shërbime shëndetësore të nivelit dytësor.

Spitali i Përgjithshëm ”Isa Grezda” në Gjakovë, ka 426 shtretër dhe ka të punësuar 545 punëtorë.

Veprimtaria shëndetësore në spital është e organizuar në gjashtë departamente, 17 Reparte dhe 21 Njësi organizative-shërbime.

Spitali i Përgjithshëm ”Isa Grezda” në Gjakovë është i organizuar në bazë të Statutit të Spitalit të aprovuar nga ana e Këshillit Drejtues.

Spitali i Përgjithshëm ”Isa Grezda” në Gjakovë përbëhet prej 7 Departamenteve.