×
  • Lajme
  • Hulumtime
  • Hulumtime

    Kolegji “Heimerer” pranoi rreth 300 studentë më shumë, çka do të ndodhë me diplomat e tyre?

    FrontOnline
    13 Shtator 2019

    Kolegji privat Heimerer, e ka tejkaluar numrin e regjistrimit të studentëve për vitin akademik 2018/19.

    292 studentë të cilët janë pjesë e numrit të tejkaluar për regjistrim, do të hasin në vështirësi për vërtetimin e diplomës së tyre në Ministrinë e Arsimit.

    Ministria e Arsimit, Shkencës dhe Teknologjisë, në vitin 2017 kishte lansuar Sistemin e Menaxhimit të Informatave të Arsimit të Lartë (SMIAL), përmes të cilit, të gjitha institucionet e arsimit të lartë, obligohen që të deklarojnë numrin e studentëve të regjistruar për nivelin akademik përkatës.

    Libri Amëz i studentëve të institucioneve të arsimit të lartë, ka për qëllim mbajtjen dhe ruajtjen e të gjitha të dhënave relevante për studentët e regjistruar në institucionet e arsimit të lartë në Kosovë.

    Këshilli Shtetëror i Cilësisë(KShC), në Agjencionin e Kosovës për Akreditim(AKA), është organ i cili vendosë për numrin e studentëve në programe studimore, në bazë të rekomandimeve të ekspertëve ndërkombëtarë.

    Portali “Front Online” ka siguruar dokumente ekskluzive, ku shihet se në një program akademik, kolegji në fjalë tejkaloi numrin e studentëve sipas sistemit SMIAL .

    Front Online ka kontaktuar me MAShT-in, për ta pyetur se çfarë masash kanë ndërmarrë për t’i ndëshkuar kolegjet që kanë tejkaluar këtë numër të studentëve, mirëpo deri në publikimin e artikullit nuk kemi pranuar përgjigje.

    Kolegji Heimerer gjithashtu ka refuzuar të jap përgjigje rreth numrit të tejkaluar të këtyre studentëve.

    “Për të gjitha çështjet e ngritura në mesazhin e juaj, përgjigjet mund t’i gjeni në faqen e internetit të AKA- s dhe MASHT-it”, thuhet në përgjigjen e tyre drejtuar Front Online.

    Gjetjet e raportit

    Në programin ‘Infermieri e përgjithshme’ në nivelin Bachelor i shkencës, numri maksimal i studentëve sipas Agjencisë së Kosovës për Akreditim, duhet të ishte 40 studentë.

    Ndërkohë që sipas sistemit SMIAL, kolegji në fjalë kishte tejkaluar numrin maksimal për 2 studentë.

    Dosja e Librit Amëz, e dorëzuar në MAShT përmes EXCEL-it nga kolegji Heimerer, tregon një numër krejtësisht tjetër.

    Numri i studentëve në këtë program, ka arritur në 332 studentë. E që sipas sistemit SMIAL, përbën tejkalim të numrit të studentëve, ani pse në këtë sistem është vendosur kufizimi i numrit sipas vendimit të AKA-së.

    Historiku i problemit

    Ministria e Arsimit, Shkencës dhe Teknologjisë ia kishte ndërruar vendin e punës, zyrtares e cila i kishte raportuar ministrit në detyrë, Shyqyri Bytyqi, për parregullsitë dhe shkeljet që janë bërë në procesin e verifikimit të diplomave për studentët e kolegjeve private.

    Kumrije Gagica ka qenë udhëheqëse e Divizionit për Njohje dhe Barasvlerë të Diplomave, ku para tetë muajsh, përmes një email-i drejtuar ministrit Bytyqi, ajo kishte treguar se Librat Amëz të disa kolegjeve private, janë dorëzuar jashtë afateve ligjore që janë të përcaktuara me Udhëzimin Administrativ për Librat Amzë të Institucioneve të Arsimit të Lartë.

    Ajo madje kishte treguar edhe për rastet kur inspektorë të NARIC-ut, kanë bërë inspektime individuale dhe kanë kërkuar që të vuloseshin diplomat e studentëve që nuk ishin të regjistruar në Librat Amëz.

    Departamenti ‘NARIC’(Qendra Kombëtare për Njohjen e Diplomave) përpos funksionit të nostrifikimit të diplomave që vijnë nga jashtë Kosovës, aktualisht ka funksionin edhe të verifikimit të diplomave vendore, që synojnë të shkojnë jashtë shtetit për vazhdim të studimeve.

    Që nga koha kur ky email është publikuar, mediet në vendin tonë kanë raportuar për qindra raste të studentëve të cilët kanë diplomuar në kolegje të ndryshme, e të cilët nuk po arrijnë t’i vërtetojnë diplomat e tyre.

    Çështjen e mosregjistrimit të studentëve në Libra Amëz, e kishte ngritur edhe ish-kryetari i Komisionit për Arsim, Ismajl Kurteshi, i cili kishte treguar se studentëve të paregjistruar në këto libra, nuk do t’u njihet diploma apo studimet.

    Ministria e Arsimit kryesisht vazhdon të heshtë kundrejt pyetjeve të gazetarëve rreth kësaj problematike. /FrontOnline/

    (Vazhdon)

    Ekskluzive/Kolegji AAB tejkaloi numrin e regjistrimit të studentëve, Ministria e Arsimit hesht (Dokument)

    Kredi me afat rekord të shqyrtimit dhe aprovimit
    Nga Rubrika
    Lajme23 Korrik 2024
    Opozita serbe ka paraqitur një plan ku përfshihen disa pika. Anëtarët e opozitës Çedomir Stojkoviq dhe Ivan Videnoviç u deklaruan se Serbia...
    Lajme23 Korrik 2024
    Policia e Kosovës bashkë me Prokurorinë e Shtetit, janë duke zhvilluar një aksion në Pejë kundër disa të dyshuarve për dallavere me...
    Lajme23 Korrik 2024
    Safet Gërxhaliu, ish kryetar i Odës Ekonomike të Kosovës (OEK) thotë se bashkëpunimi ekonomik në mes të Kosovës dhe Shteteve të Bashkuara...
    Të tjera
    Bota/Rajoni23 Korrik 2024
    Zëvendëspresidentja amerikane Kamala Harris ka festuar sigurimin e mjaftueshëm të miratimeve të delegatëve për të fituar nominimin presidencial demokrat. “Sonte, jam krenare...
    Lajme23 Korrik 2024
    Moti sot parashihet të jetë kryesisht me diell. Vranësirat më të fokusuara parashihen përreth relievit malor. Temperaturat minimale do të lëvizin ndërmjet...
    Lajme22 Korrik 2024
    E pandehura pranoi SMS në 3 të mëngjesit pastaj e çoi me veturë në Drenas- çfarë ndihme iu ofrua Faton Hajrizit pas...
    Lajme22 Korrik 2024
    Kreu i AAK-së, Ramush Haradinaj, ka ftuar që të jetë pjesë e një debati publik mes tij dhe kryeministrit aktual, Albin Kurti....
    Lajme22 Korrik 2024
    Debati mes dy këshilltarëve bashkiakë të Tiranës, Tedi Blushit dhe Halit Valterit degradoi në përplasje fizike këtë të hënë. Edhe pse seanca...
    Lajme22 Korrik 2024
    Gjyqtarja Valdete Daka ka treguar se përse i ishte refuzuar Faton Hajrizit kërkesa për lirim me kusht. Ajo është shprehur se Paneli...

    FrontOnline, © 2024 Të gjitha të drejtat e rezervuara.