×
  • Lajme
  • Lajme

    Klinika e Pulmologjisë me mungesë të kushteve dhe hapësirave

    FrontOnline
    27 Nëntor 2022

    Mungesë të kushteve por edhe hapësirave ka në vazhdimësi Klinika e Pulmologjisë, e cila funksionon në objektin e klinikës së dermato-venerologjisë, në mungesë të objektit.

    Gjendjen e rënduar e pranojnë edhe drejtues të klinikës, derisa as për vitin 2023 nuk ka shpresa që të gjendet një zgjidhje për hapësirat e kësaj klinike.

    Është ndër klinikat më të ngarkuara në sezonin e dimrit. Por kushtet në të cilat funksionon nuk i plotësojnë standardet që kërkohen për një klinikë të pulmologjisë. Pacientët që trajtohen në këtë klinikë ankohen për mungesë të hapësirave dhe kushteve të tjera elementare.

    “Me kushte shumë të vështira, as nuk kanë orendi, 40 pacientë me një motër. Nuk i kanë kushtet kurrqysh, tash nuk ka as ujë të nxehtë”, thotë një paciente.

    “Shumë kushte të pa përshtatshme për pacientë. Për tre vetë kjo dhomë është e vogël e jo për katër se nuk ka ku me lëvizë”, thotë Rrahman Sadiku, pacient nga Mitrovica.

    Me këto ankesa është i familjarizuar edhe drejtori i kësaj klinike, i cili thotë se në mungesë të hapësirave detyrohen të vendosin shtretër shtesë nëpër dhoma. Sipas tij, edhe rritja e numrit të stafit mjekësor në këtë klinikë është e domosdoshme.

    “Vendi ynë mund të them lirisht se që sa vite është pa klinikë të pulmologjisë. Edhe këtu ku jemi të vendosur me një kapacitet prej 66 shtretër janë të mbivendosur. Dhomat ku kanë qenë dy shtretër i kemi bërë tre, ato ku kanë qenë tre shtretër iI kemi bërë me Katër. Nevoja për staf infermier është më e madhe se sa që e kemi numrin e tyre”, thotë Musa Hoxha, drejtor i Klinikës së Pulmologjisë.

    Megjithatë, Shërbimi Spitalor Klinik Universitar i Kosovës, në një përgjigje me shkrim për RTK-në, ka bërë të ditur se as vitin që vjen nuk parashihet të bëhet zgjidhje për objekt të ri për Klinikën e Pulmologjisë.

    “Në buxhetin e vitit 2023 nuk është paraparë ndërtimi i objektit të ri të Pulmologjisë, por parashihet të bëhet zgjidhje në formë të spitalit ditor për trajtim të pacientëve”, thuhet në , në një përgjigjen e t Spitalor Klinik Universitar të Kosovës.

    Ndërkaq, sa i përket mundësisë së rritjes së stafit shëndetësor, SHSKUK ka bërë të ditur se kjo mund të ndodhë varësisht nga kërkesat e klinikave.

    Gjatë kohës së pandemisë, kjo klinikë ka qenë e mbingarkuar me pacientë me COVID-19, ndërsa nga viti 2003 operon në kuadër të Klinikës së Dermatovenerologjisë.

    KEDS njofton për punime në rrjet, në këto komuna do ketë ndërprerje të rrymës
    Nga Rubrika
    Lajme29 Mars 2024
    Punëtorët e Telekomit të Kosovës, nuk i kanë marrë ende pagat, për shkak të bllokimit të llogarive financiare. Ata në shenjë pakënaqësie...
    Lajme29 Mars 2024
    Presidentja Vjosa Osmani ka falënderuar të gjithë ata që po e përkrahin Kosovën në procesin e anëtarësimit në Këshillin e Europës. Ajo...
    Lajme29 Mars 2024
    Ministri i Mbrojtjes i Italisë, Guido Crosetto, pas takimit me homologun kosovar, Ejup Maqedonci në Prishtinë, ka deklaruar se stabiliteti i Ballkanit...
    Të tjera
    Lajme29 Mars 2024
    Kryetari i Kuvendit, Glauk Konjufca, ka thënë se qeveria nuk ka arsye të japë dorëheqje. Këtë deklaratë ai e bëri para mediave...
    Lajme29 Mars 2024
    Tri seanca plenare do të mbahen në javën e ardhshme në Kuvendin e Kosovës. Kështu ka bërë të ditur shefja e grupit...
    Lajme29 Mars 2024
    Ambasadori i Kosovës në Kroaci, Martin Berishaj, po intervistohet nga Prokuroria e Speciale në Prishtinë. Sipas RTK-së, Berishaj gjendet në Prokurorinë Speciale...
    Lajme29 Mars 2024
    Instituti Kombëtar i Shëndetësisë Publike të Kosovës gjatë mbikëqyrjes permanente të situatës epidemiologjike në vend ka konstatuar një rritje të lehtë të...
    Lajme29 Mars 2024
    Shefi i grupit parlamentar i LDK-së, Arben Gashi, konsideron se sot është njëra ndër ditët më të këqija të parlamentarizmit në Kosovë....
    Sport29 Mars 2024
    Organizatori i Kampionatit Evropian, UEFA tha të enjten se do të dëgjojë trajnerët e ekipeve kombëtare nëse duan të zgjerojnë numrin e...

    FrontOnline, © 2024 Të gjitha të drejtat e rezervuara.