Avni Klinaku nga Lëvizja për Bashkim, tha se dialogu me Serbinë është stërzgjatur, duke shtuar se qasja e Kosovës në përgjithësi ndaj dialogut ka qenë jo e duhur.

Për Klinakun, Kosova s’ka pasur qasje të duhur në dialogun me Serbinë, pasi siç tha është kuptuar si një detyrim ndërkombëtar.

“Fillimisht dialogu është kuptuar si detyrim ndërkombëtar, si një gjë të pashmangshme që kërkohet nga ndërkombëtarët, por jo si një mundësi për zgjidhjen e problemeve që vërtetë kanë mbetur pas shpalljes së pavarësisë”, tha Klinaku në Klan Kosova.

Klinaku shtoi se të gjitha temat që Kosova i ka lejuar të shtrohen në bisedime dhe që kanë qenë tema të brendshme të vendit, vendin e kanë vënë në pozicion të keq.

“Për shembull targat, targat janë çështje e thjeshtë e brendshme e Kosovës dhe nuk guxojnë të diskutohen në asnjë variant me Serbinë, është çështje e pazgjidhur e Kosovës dhe në qoftë se ata mund edhe ta shtyjmë, në asnjë mënyrë nuk guxojmë ta diskutojmë me Serbinë”, u shpreh ai, njofton Klankosova.tv.

Klinaku tha se nëse këto tema vazhdojnë të shtrohen në dialog, Kosova ose ose do të përfundojë duke bërë kompromise me Serbinë, ose duke u përplasur me ndërkombëtarët./Front Online