×
  • Hulumtime
  • Hulumtime

    Kjo është rruga e kokainës nga Brazili në Ballkan

    FrontOnline
    19 Maj 2021

    Policia e Kosovës ditë më parë konfiskoi 400 kilogramë kokainë në Lipjan në vlerë prej rreth 20 milionë euro, e cila sasi e madhe e drogës ishte nisur nga Brazili, me ç’rast ka arrestuar 7 persona të dyshimtë.

    Kjo njëherit është sasi e madhe e drogës e konfiskuar nga autoritetet kosovare, konfiskimi i së cilës është bërë i mundur falë përcjelljes nga DEA amerikane, Guarda Di Financa italiane dhe policia shqiptare.

    Një raport i publikuar më 10 maj 2021 nga Iniciativa Globale Kundër Krimit të Organizuar Ndërkombëtar me titull: Analiza e flukseve të njerëzve, drogës dhe parave në Ballkanin Perëndimor, potencon se grupet kriminale nga Ballkani Perëndimor janë lojtarë të mëdhenj në biznesin global të kokainës, raporton portali “Front Online”.

    Sipas këtij raporti, ka qenë një grindje e përgjakshme e dy grupeve kriminale me origjinë nga Kotorri (Mali i Zi) në lidhje me kontrollin e tregut të kokainës.

    “Meqenëse këto grupe tashmë kanë një pozitë dominuese në zinxhirin e furnizimit, nga burimi në Amerikën Latine në tregjet kryesore në Evropën Perëndimore ka pak nevojë për të bërë devijim të rrugës së drogës në Ballkanin Perëndimor, përveç për të furnizuar tregjet e vogla lokale, por me tendencë të rritjes”, potencohet mes tjerash në këtë raport që e posedon “Front Online”.

    Sipas këtij raporti, ekzistojnë prova që sugjerojnë që portet në detin Adriatik, Durrës në Shqipëri dhe Bar në Mal të Zi, janë shqfrytëzuar për të importuar dërgesa të mëdha të kokainës, e cila, siç potencohet në raport, është fshehur në dërgesat e frutave ose në lëkurë kafshësh nga Amerika Latine.

    Nga porti i Barit në Mal të Zi, kokaina transportohet drejt Nikshiqit për ta çuar në Bosnjë dhe Hercegovinë, pastaj në Kroaci. Te kjo e fundit një kilogram kokainë shitet deri në 38 mijë euro.

    Një rrugë tjetër alternative, siç potencohet në raport, është droga transportohet nga Podgorica drejt Rozhajës dhe pastaj në Novi Pazar të Serbisë, apo në lindje të Kosovës nëpërmjet qytetit të Pejës.

    “Kokaina poashtu që hyn në Shqipëri vjen nëpërmjet portit të Durrësit. Çmimi për një kilogram prej 90% të pastër të koakinës sillet mes 25000-30 mijë euro”, bëhet e ditur në raport, duke shtuar se nga Kosova droga shkon në Luginë të Preshevës, ku çmimi për një kilogram kokainë shkon deri në 50 mijë euro.

    Përndryshe, kreu i Strukturës së Posaꞔme Anti-Korrupsion (SPAK) në Shqipëri, Arben Kraja, në një deklaratë për shtyp ditë më parë ka potencuar se “organizatat dhe grupet e strukturuara kriminale kanë rritur shkallën e rrezikshmërisë së tyre, ngaqë ushtrojnë aktivitet në një territor shumë të gjerë, duke kaluar përmes shumë territoresh nga Brazili deri në Kosovë.”

    Kokaina është nisur nga Brazili, ka kaluar në disa shtete për të mbrritur në një  port të Italisë, më pas në portin e Durrësit dhe që andej  në Kosovë.

    Në raportin  “Flukset e njerëzve, të drogës dhe të parave – Maj 2021” të Iniciativës Globale Kundër Krimit të Organizuar Transnacional, Ballkani Perëndimor konsidetohet si rajoni më i madh i tranzitit për trafikimin përherë dhe më shumë të kokainës.

    /Front Online/

    “0.6 gramë kokainë në Kosovë shitet 60 €”, raporti ndërkombëtar zbulon hartën e kontrabandimit të drogës në Ballkan

    Njoftimet nga KEDS për punimet në rrjet
    Nga Rubrika
    Hulumtime10 Janar 2024
    Ministria e Shëndetësisë (MSH) ka shpallur tenderin prej më shumë se 22 milionë euro për përfundimin e punimeve në ndërtimin e objektit...
    Hulumtime03 Janar 2024
    Rreth 8 milionë € është qarkullimi vjetor financiar i zyrave të Telekomit të Serbisë (MTS) në territorin e Republikës së Kosovës, bazuar...
    Hulumtime05 Shtator 2023
    Një tjetër veturë luksoze e tipit “Audi A7”, që dikur ishte në pronësi në Hysri Peqanit (Burdushit), i është dhënë për shfrytëzim...
    Të tjera
    Bota/Rajoni18 Mars 2024
    Izraeli vrau një komandant të lartë të Hamasit në një sulm ajror javën e kaluar, tha Shtëpia e Bardhë të hënën. “Izraeli...
    Lajme18 Mars 2024
    Ambasadori amerikan në Kosovë, Jeffrey Hovenieri, sot e ka vizituar qytetin e dytë më të madh në vend, Prizrenin. “Vizitë shumë e...
    Lajme18 Mars 2024
    Shefi i Grupit Parlamentar të PDK-së, Abelard Tahiri, tha se do ta lë mandatin e deputetit nëse Albin Kurti do të zgjedhet...
    Sport18 Mars 2024
    Kombëtarja e Kosovës ka filluar grumbullimin e parë për këtë vit nën drejtimin e përzgjedhësit të ri, Franco Foda dhe stafit të...
    Lajme18 Mars 2024
    Kryetari i Kuvendit të Kosovës Glauk Konjufca ka goditur emisarin amerikan, Gabriel Escobar. Tutje, Konjufca për emisarin amerikan Escobar ka thënë se...
    Sport18 Mars 2024
    Kombëtarja e Shqipërisë ka zhvilluar seancën e parë stërvitore para miqësoreve të këtij muaji. Në stërvitjen e parë pati disa mungesa, të...

    FrontOnline, © 2024 Të gjitha të drejtat e rezervuara.