×
  • Lajme
  • Lajme

    Kjo është historia e fotografisë ku një infermiere e QKUK-së e rrakapitur nga lufta me COVID-19 u pa duke pushuar në korridoret e Infektivë

    FrontOnline
    30 Qershor 2020

    Një fotografi e infermieres Shqipe Kadriu u shpërnda në rrjetet sociale dhe në shumë media në Kosovë. Por cila është historia e saj?

    Kadriu punon si infermiere në Klinikën Infektive që 21 vite dhe krahas profesionit të saj mjekësor, ka studiuar edhe dramaturgjinë. Ajo ka shkruar tekstin e disa serialeve dhe filmave në Kosovë ku ka bashkëpunuar me disa regjisorë të njohur, shkruan Gazeta Shneta.

    Tani infermierja po kujdeset për pacientët e sëmurë me Covid-19, punë kjo të cilën ajo e bën me shumë zell por edhe mundim e lodhje për shkak të fluksit të madh të pacientëve.

    Shqipja nuk ka pranuar të flas për mediat duke thënë se nuk e dëshiron famën në këtë kohë të vështirë me të cilën po përballen qytetarët e Kosovës. Ajo ka thënë se do të jap intervistë pasi të përfundojë pandemia, ndërsa tani është e përkushtuar për kujdesin ndaj pacientëve. Publikimi dhe shpërndarja e fotografisë në rrjetet sociale nuk ishte gjëja që e dëshironte ajo.

    Këtë fotografi infermierja ia ka dërguar një miku të saj, pasi ky i fundit e ka pyetur se si po ndihej në këto ditë me shumë pacientë dhe me temperatura të larta. Si përgjigje, ajo ia kishte dërguar fotografinë. Miku i saj i kishte kërkuar lejen që ta publikonte me qëllim që t’i njoftonte miqtë për punën e madhe që po bëjnë infermierët.

    Por fotografia mori dhen dhe ndonëse kishte shumë komente pozitive, pati edhe të tillë të cilët e shqetësuan Shqipen dhe familjen e saj. Andaj ajo ka thënë se nuk dëshiron të bëhet më e famshme sesa fotoja që është publikuar e cila sipas saj flet shumë për punën e madhe që po e bëjnë me pacientët.

    Infermierja është ulur në dysheme për të pushuar disa momente, pasi nuk mund të ulet në karrige nga frika se mund ta kontaminojë atë dhe në këtë mënyrë të infektoje ndonjë përcjellës të pacientëve ose kolegë të saj.

    Infermierët e Klinikës Infektive janë duke e parë gazepin me fluksin e madh të pacientëve të infektuar me Covid-19. Ata janë të obliguar të mbajnë veshur pajisjet mbrojtëse kundër infeksionit në temperatura të larta dhe për orë të tëra derisa të kryhen të gjitha terapitë e pacientëve.

    Sikurse Shqipja, edhe kolegët e saj në Klinikën Infektive, Pulmologji, Emergjencë, etj, ndodh shpesh të marrin infuzione pasi të kryejnë terapinë, për shkak të lodhjes së madhe, vështirësisë në frymëmarrje nga maska, dhe temperaturat e larta.

    Punime në rrjet, KEDS tregon ku do të ketë nesër ndërprerje të rrymës
    Nga Rubrika
    Lajme29 Mars 2024
    Zëvendëskryeministri i Kosovës Besnik Bislimi, nuk është deklaruar për media në lidhje me propozimet që ka bërë Qeveria për dinarin gjatë kësaj...
    Lajme29 Mars 2024
    Ministrja e Punëve të Jashtme dhe Diasporës, Donika Gërvalla është duke qëndruar për vizitë në Kalabri të Italisë. Siç thuhet në njoftim,...
    Lajme29 Mars 2024
    Kryeministri i Kosovës, Albin Kurti, pas përmbylljes së procesit ofertues për Ankandin Solar Fotovoltaik prej 100 megavatëve, ka deklaruar se Kosova po...
    Të tjera
    Lajme29 Mars 2024
    Drejtoria Rajonale e Policisë Gjilan, njësia rajonale e trafikut rrugor dhe stacionet policore të Drejtorisë Rajonale të Policisë Gjilan gjatë periudhës kohore...
    Lajme29 Mars 2024
    Presidentja e Kosovës, Vjosa Osmani, ka kujtuar masakrën e Belegut në Deçan, në përvjetorin e 25-të ku u vranë 46 shqiptarë. Osmani...
    Vip29 Mars 2024
    Markat e ndryshme të modës, sidomos ato luksoze, shpeshherë krijojnë produkte me dizajne unike, e të cilat jo rrallëherë edhe kritikohen shumë...
    Lajme29 Mars 2024
    Kryeministri i Kosovës, Albin Kurti, sot do të takohet me disa nga studentët romë, ashkali dhe egjiptianë, në një tryezë të rrumbullakët...
    Lajme29 Mars 2024
    Ministri italian i Mbrojtjes, Guido Crosetto, ka mbërritur në Aeroportin Ndërkombëtar të Prishtinës, “Adem Jashari”. Siç njofton Ambasada e Italisë në vendin...
    Bota/Rajoni29 Mars 2024
    Një autobus me rreth 60 pasagjerë u aksidentua në shtetin perëndimor të Gjermanisë Veriore-Vestfalia, duke lënë të lënduar 21 persona, njëri prej...

    FrontOnline, © 2024 Të gjitha të drejtat e rezervuara.