[wp-story]

Auto

Kjo është bisha e quajtur Lamborghini Huracan STO

Kjo është bisha e quajtur Lamborghini Huracan STO
20:49 | 07 Prill 2021

Lamborghini ka sjellë kopje të avionëve luftarakë me katër rrota në treg për dekada. Dhe shumica e modeleve të kësaj marke u mungojnë vetëm topat dhe bombat në listën e pajisjeve. Por ky version i modelit Huracan është padyshim një prej krijesave më të çmendura të çdo modeli Lamborghini.

Nuk ka mundësi tjetër përveçse të filloni këtë tekst direkt: para jush është një Lamborghini Huracán STO. Shkurtesa STO nënkupton për “Super Trofeo Omologato”. Kjo do të thotë, që në thelb është një makinë gare e zbutur pas timonit.

Dhe kjo është e mrekullueshme, apo jo?!

Me pak fjalë, ky është derivat “tjetër” i modelit Huracan. Sa i përket motorit, ai është akoma një motor V10 që merr frymë pa një aparat respirator dhe me 5.2 litra vëllim në rrotat e pasme lëshon deri në 631 kuaj fuqi dhe moment rrotullimi prej 565Nm. Por ndryshe nga pjesa tjetër e ofertës që përfshin Huracan, kjo me prapashtesën STO vjen në kombinim me peshën prej 1,339 kilogramë, që është për 43 kilogramë më i lehtë se “Performante”, ose peshon edhe më pak se variacionet e tjera në temën e këtij modeli.

Pra, do të thuhej se një gjë e tillë është e dëshirueshme në çdo rast. Për shkak se super-makinat e sotme kryesisht vuajnë nga mbipesha gjithsesi, kështu që është mirë të shohësh se ky model i veçantë peshon si një sedan kompakt nga fundi i viteve 1990.

Lehtësia e përsosur e ekzistencës për HuracanSTO arrihet me një dietë rigoroze. Gjithçka në këtë makinë është bërë nga karboni. Edhe qilimat që nuk bëhen më nga ndonjë tekstil, por nga fibra karboni. Dhe ata quhen zyrtarisht “lëkurë karboni”. Por gjithçka në këtë veturë ka funksionin e saj. Dhe gjithçka i nënshtrohet jo vetëm shpejtësisë, por edhe përdorimit absolut në rrugë ose në pistë.

Lamborghini thotë se Huracan STO prodhon 53 për qind më shumë shtytje sesa versioni “Performante”. Dhe kjo në përkthim do të thotë se kjo makinë është aq e shpejtë sa është e përdorshme me shpejtësitë që arrin. Në të vërtetë, përshpejtimin nga 0 në 100 km/h, e arrin për vetëm 3 sekonda, ndërsa shpejtësia maksimale është e kufizuar në 310 km/h./FrontOnline/

“Petrol Company” ndihmon më shumë se 200 familje për festën e Fitër Bajramit (VIDEO)

Të tjera