Zbardhet dëshmia e Blerim Bizgjonit ditën e sotme para gjykatës së Pogradecit në Shqipëri, ku u njoh me masën e sigurisë “arrest me burg” 40 ditë. Ai akuzohet për abuzim seksual me një të mitur, fqinjen e tij në fshatin Vërdova të Pogradecit.
Sipas burimeve, mësohet se 46-vjeçari ka shpërthyer në lot para gjyqtarit duke e mohuar akuzën, që është ngritur kundër tij, ndërsa ka kërkuar mëshirë.
“Nuk e kam bërë atë veprim! Kini mëshirë” është shprehur ai. Megjithatë gjykata vendosi masën e sigurisë 40 ditë burg.
Blerim Bizgjoni nuk pranoi që të thoshte asnjë fjalë në momentin që doli nga gjykata e Pogradecit me maskë për shkak të situatës së covid, pranga në duar i shoqëruar nga policia, pasi u njoh me masën e sigurisë 40 ditë burg.
