Udhëheqësi i Koresë së Veriut Kim Jong Un ka shpallur fitoren e vendit të tij ndaj koronavirusit. Menjëherë pas kësaj u shfaq informacioni se vetë lideri i këtij vendi ishte infektuar me koronavirus. Në të njëjtën kohë, motra e tij tha se Kim Jong Un kishte një temperaturë të lartë gjatë pandemisë, duke u zotuar se do t’i “rrënjoste” autoritetet në Korenë e Jugut nëse vazhdojnë të tolerojnë fletëpalosjet propagandistike, të cilat ajo beson se janë fajtorë për përhapjen e virusit.
Duke përsëritur pretendimet se pamfletet shkaktuan epideminë e fundit të koronës në Korenë e Veriut, Kim Yo-jong fajësoi “kukullat e Koresë së Jugut” për dërgimin e “sendeve të pista”,. Zbulimi se vëllai i saj ishte i sëmurë nuk është aq i zakonshëm, pasi në regjimin aktual nuk komentohet pothuajse asnjëherë shëndeti i liderit.
Në fjalën e saj, Kim Yo Jong tha se udhëheqësi i Koresë së Veriut ishte “i sëmurë rëndë” dhe kishte temperaturë të lartë, por në të njëjtën kohë “nuk mund të shtrihej dhe të pushonte për asnjë moment, sepse kujdeset për njerëzit e tij”. Gjithashtu, ajo nuk ka treguar datën e saktë kur vëllai i saj ishte i sëmurë, transmeton KCNA.
Shëndeti i liderit të Koresë së Veriut ka qenë objekt spekulimesh prej vitesh. Ka periudha kur ai nuk shfaqet fare në publik – për shembull, muajin e kaluar ai nuk ishte në mediat shtetërore për 17 ditë, dhe për të gjithë “misterin” kontribuon fakti se pothuajse asnjë informacion nuk vjen nga rrethet e tij të ngushta, por edhe nga fakti se familja e tij ka histori të sëmundjeve të zemrës, raporton Bloomberg./FrontOnline/