×
  • Bota/Rajoni
  • Bota/Rajoni

    Kim Jong Un ekzekuton dy persona, mbyll Phenianin për shkak të COVID-it

    FrontOnline
    27 Nëntor 2020

    Udhëheqësi i Koresë së Veriut Kim Jong Un ka urdhëruar ekzekutimin e të paktën dy personave, ka ndaluar peshkimin në det dhe ka mbyllur kryeqytetin, Phenian, si pjesë e përpjekjeve intensive për t’u mbrojtur nga koronavirusi dhe nga dëmi i tij ekonomik, u tha të premten ligjvënësve në Seul agjencia koreanojugore e zbulimit.

    Qeveria e Kim Jong Un-it ka urdhëruar gjithashtu diplomatët jashtë vendit të frenohen nga çdo veprim që mund të provokojë Shtetet e Bashkuara sepse është i shqetësuar për qasjen e re të Presidentit të zgjedhur Joe Biden ndaj Koresë së Veriut, u thanë gazetarëve ligjvënësit që morën pjesë në një konferencë private të Shërbimit Kombëtar të Zbulimit.

    Njëri nga ligjvënësit, Ha Tae-keung, citoi shërbimin e zbulimit të thoshte se Kim po shfaq “zemërim të tepruar” dhe po merr “masa joracionale” mbi pandeminë dhe ndikimin e saj ekonomik.

    Sipas tij, muajin e kaluar Koreja e Veriut ekzekutoi në Phenian një kambist të profilit të lartë pasi e akuzoi atë si përgjegjës për një rënie të kursit të këmbimit. Sipas shërbimit të zbulimit Koreja e Veriut ekzekutoi gjithashtu një zyrtar kryesor në muajin gusht për shkeljen e rregullave qeveritare që kufizonin mallrat e sjella nga jashtë. Të dy personat nuk janë identifikuar me emër.

    Koreja e Veriut gjithashtu ka ndaluar peshkimin dhe prodhimin e kripës në det për të parandaluar infektimin e ujit të detit nga virusi, u tha Shërbimi Kombëtar i Zbulimit ligjvënësve.

    Koreja e Veriut kohët e fundit e vendosi Phenianin dhe provincën veriore Jagang nën bllokim për shkak të shqetësimeve për infektime nga virusi. Më parë ai vendosi masa bllokimi në zona të tjera ku zyrtarët gjetën mallra të paautorizuara dhe monedha të huaja, sipas zbulimit.

    Koreja e Veriut ka thënë se nuk ka gjetur asnjë rast të vetëm koronavirusi në territorin e saj, një pretendim i vënë në diskutim nga ekspertë të jashtëm. Një shpërthim i madh i COVID-it mund të kishte pasoja mjaft të rënda sepse sistemi i kujdesit shëndetësor në Korenë e Veriut mbetet i gjymtuar dhe vuan nga një mungesë kronike e pajisjeve mjekësore.

    Pandemia e detyroi Korenë e Veriut të mbyllte kufirin me Kinën, partneri i saj më i madh tregtar. Mbyllja, së bashku me një seri katastrofash natyrore gjatë verës, i dhanë një goditje të rëndë ekonomisë së Veriut, e cila ka qenë nën ndëshkimin e sanksioneve të drejtuara nga SHBA.

    Sipas Shërbimit Kombëtar të Zbulimit, Koreja e Veriut ka urdhëruar misionet diplomatike jashtë shtetit të mos provokojnë Shtetet e Bashkuara, duke paralajmëruar ambasadorët e tyre për pasoja nëse komentet ose veprimet e tyre në lidhje me SHBA shkaktojnë ndonjë problem me Uashingtonin.

    Qeveria e Koresë së Veriut ka qëndruar e heshtur për fitoren e zotit Biden në zgjedhje ndaj Presidentit Donald Trump, me të cilin Kim mbajti tre samite në vitet 2018-19 mbi arsenalin bërthamor të Veriut.

    Ligjvënësi Kim Byung-kee citoi Shërbimin Kombëtar të Zbulimit të thoshte se Koreja e Veriut po shfaq ankth ndërsa lidhjet e saj miqësore me zotin Trump po bëhen të padobishme dhe ajo duhet të fillojë nga e para për marrëdhënie me administratën e ardhshme Biden./VOA

    Ndërprerje të rrymës për shkak të punimeve
    Nga Rubrika
    Bota/Rajoni29 Mars 2024
    Një autobus me rreth 60 pasagjerë u aksidentua në shtetin perëndimor të Gjermanisë Veriore-Vestfalia, duke lënë të lënduar 21 persona, njëri prej...
    Bota/Rajoni29 Mars 2024
    Artileri e madhe ushtarake serbe, është parë duke u larguar mbrëmë nga komunat e Luginës së Preshevës. Klan Kosova ka siguruar pamje...
    Bota/Rajoni29 Mars 2024
    Dy tërmete kanë goditur mëngjesin e ditës së premte Greqinë. Sipas mediave të huaja, përcjell Telegrafi, bëhet fjalë për dy tërmete, njëri...
    Të tjera
    Kronika29 Mars 2024
    Të paktën gjashtë raste të dhunës në familje janë regjistruar në raportin e fundit 24-orësh të Policisë. Dy prej rasteve kanë ndodhur...
    Lajme29 Mars 2024
    Drejtoria Rajonale e Policisë Gjilan, njësia rajonale e trafikut rrugor dhe stacionet policore të Drejtorisë Rajonale të Policisë Gjilan gjatë periudhës kohore...
    Lajme29 Mars 2024
    Presidentja e Kosovës, Vjosa Osmani, ka kujtuar masakrën e Belegut në Deçan, në përvjetorin e 25-të ku u vranë 46 shqiptarë. Osmani...
    Vip29 Mars 2024
    Markat e ndryshme të modës, sidomos ato luksoze, shpeshherë krijojnë produkte me dizajne unike, e të cilat jo rrallëherë edhe kritikohen shumë...
    Lajme29 Mars 2024
    Kryeministri i Kosovës, Albin Kurti, sot do të takohet me disa nga studentët romë, ashkali dhe egjiptianë, në një tryezë të rrumbullakët...
    Lajme29 Mars 2024
    Ministri italian i Mbrojtjes, Guido Crosetto, ka mbërritur në Aeroportin Ndërkombëtar të Prishtinës, “Adem Jashari”. Siç njofton Ambasada e Italisë në vendin...

    FrontOnline, © 2024 Të gjitha të drejtat e rezervuara.