Që kur Elon Musk, drejtor dhe bashkëpronar i Tesla-s, u bë një figurë e rëndësishme politike në SHBA dhe me ndikimin dhe fuqitë e tij reale si kreu i Departamentit të Efikasitetit të Qeverisë – DOGA, rebelimi kundër Musk dhe kompanisë së tij të veturave Tesla po bëhet më i fortë.

Dhe shitjet e Tesla filluan të vuanin seriozisht, dhe konkurrentët po kënaqen.

Divizioni norvegjez i Kia publikoi një foto të një blerësi të mundshëm të veturës Kia EV3, i cili ngjiti një ‘sticker’ në pjesën e pasme të automjetit: “E bleva këtë pasi Eloni u qmend”.

Fotoja e njoftimit filloi të përhapet në rrjetet sociale dhe disa e kritikuan për një lloj reklame që tallte Muskun.

Postimi në Instagram, i shpërndarë fillimisht në fund të shkurtit, u fshi më 10 mars, me sa duket për shkak të reagimit të ashpër.

Ndryshe, shitjet e Tesla në Evropë në janar 2025 ranë me 45 për qind krahasuar me të njëjtin muaj të vitit të kaluar, pavarësisht rritjes së tregut të përgjithshëm të automjeteve elektrike në rajon.

Në të njëjtën kohë, aksionet e Tesla përjetuan një rënie të ngjashme, nga një kulm prej 479,86 dollarë më 17 dhjetor 2024 në 248,33 dollarë më 10 mars 2025, që do të thotë se humbi pothuajse gjysmën e vlerës së saj në më pak se tre muaj.

Promocionit të Teslës i është bashkuar edhe presidenti amerikan, Donald Trump, i cili dje ka pozuar me një Tesla para Shtëpisë së Bardhë, ka deklaruar se e ka blerë “nuk mund ta ngasë se nuk e kam ngarë prej kohësh” dhe ka vlerësuar veturën, markën dhe Musk. /Telegrafi/