×
  • Lajme
  • Lajme

    Këto janë rrugët ligjore për partitë pas vendimit të KQZ’së për mos-certifikim

    FrontOnline
    22 Janar 2021

    Mos-certifikimi i listave të subjekteve politike Vetëvendosje dhe Aleanca për Ardhmërinë e Kosovës (AAK), si dhe mos-certifikimi i partisë politike Nisma, do ua mundësojë të gjitha grupacioneve politike të apostrofuara të ndjekin rrugët ligjore për ankesa.

    Ehat Miftaraj nga Instituti i Kosovës për Drejtësi (IKD), ka sqaruar procedurat ligjore që mund të ndjekin partitë politike të dëmtuara nga vendimi i ndërmarrë në mbledhjen e Këshillit Qendror Zgjedhor (KQZ) të premten, raporton Gazeta Express.

    “Çdo parti politike brenda 24 orëve paraqet ankesë në Panelin Zgjedhor për Ankesa dhe Parashtresa (PZAP), lidhur me certifikimin e listës së paraqitur. PZAP në pajtim me ligjin për zgjedhjet dhe vendimin e Gjykatës Kushtetuese mund të marr vendim për certifikimin e tërë listës së partive politike sipas propozimit të tyre apo vetëm certifikimin e kandidatëve pa probleme me ligjin, duke larguar ata që bien në kundërshtim me nenin 29 të ligjit dhe vendimin e Gjykatës Kushtetuese”, ka deklaruar Miftaraj për Express.

    Pas mos-përfilljes së kërkesës së kryetares së KQZ’së, Valdete Dakaj, Vetëvendosjes nuk iu është çertifikuar lista e kandidatëve për deputetë. Për votimin e certifikimit të listës së VV’së kanë qenë vetëm pesë anëtarë të KQZ’së.

    Valdete Daka para votimit ka theksuar se nuk është e drejtë që të mos certifikohen kandidatët që s’kanë probleme me ligjin.

    Për të njëjtën arsye, nuk është certifikuar fare si subjekt politik Nisma Socialdemokrate në zgjedhjet e 14 shkurtit. Pas hedhjes në votim të certifikimit të subjektit politik, Nismës nuk i mjaftuan gjashtë vota nga anëtarët e KQZ’së për certifikim.

    Edhe lista e kandidatëve të deputetë të AAK’së, për shkak të problemeve me ligjin, nuk ka marrë “dritën e gjelbër” nga KQZ’ja për zgjedhjet e përgjithshme të këtij viti.

    Anëtari i KQZ-së nga radhët e Lëvizjes Vetëvendosje, Sami Kurteshi, ka bërë të ditur se ky subjekt politik do t’i ndërmarrë të gjitha rrugët ligjore pas mos certifikimit të listës së kandidatëve për deputet nga KQZ-ja.

    “LVV-ja do t’i përdorë të gjitha rrugët ligjore, do të veprojmë sipas rrugës së Kushtetutës që është në dispozicion. KQZ-ja nuk ka kërkuar nga ne të bëjmë ndërrime të emrave të kandidatëve, Këshilli Gjyqësor i Kosovës (KGjK) nuk merr vendime vetëm i ofron KQZ-së informata si të veprohet për personat që kanë çfarëdo dënimi të plotfuqishëm nga një gjykatë në Kosovë”, ka deklaruar ai.

    Për shkak të këtyre vendimeve, në këto dy ditët e fundit, kryetarja e KQZ’së është “kryqëzuar” për anshmëri të vendimeve nga akterë të lartë të Vetëvendosjes.

    Dyfish n’plus me ArtMotion
    Nga Rubrika
    Lajme29 Mars 2024
    Brukseli po kërkon nga Kosova dhe Serbia që të lëvizin me zbatimin e pikave të marrëveshjes të pavarura nga njëra-tjetra. Zëdhënësi i...
    Lajme29 Mars 2024
    Kryetari i Aleancës për Ardhmërinë e Kosovës, Ramush Haradinaj ka përkujtuar masakrën e Belegut e Irzniqit të Deçanit si dhe të Poterqit...
    Lajme29 Mars 2024
    Kryetari i Kuvendit të Kosovës, Glauk Konjufca, ka shprehur qëndrimin e tij pro themelimit të cdo komisioni hetimor dhe se për këtë...
    Të tjera
    Lajme29 Mars 2024
    Aleanca për Ardhëmrinë e Kosovës, gjegjësisht Besnik Tahiri ka thënë pas mbledhjes së Kryesisë së Kuvendit se Kurti tashmë është dorëzuar dhe...
    Lajme29 Mars 2024
    Shefi i deputetëve të Partisë Demokratike të Kosovës, Abelard Tahiri, ka thënë se kanë propozuar themelimin e një Komisioni Hetimor për financimin...
    Lajme29 Mars 2024
    Shefi i grupit parlamentar i AAK-së, Besnik Tahiri, dhe ai i LDK-së, Arben Gashi, kanë lëshuar sallën ku po mbahej mbledhja e...
    Bota/Rajoni29 Mars 2024
    Qeveria e Kroacisë ka nisur procedurat për njohjen e ndërsjellë të patentë shoferëve mes Zagrebit dhe Prishtinës. Kjo u bë e ditur...
    Opinione29 Mars 2024
    Nga Ismail Syla Vështrim eseistik për librin e Bajram Kosumit “Enciklopedia Imagjinare, postroman”, Toena, 2023, Tiranë Në Fjalorin e Gjuhës së Sotme...
    Bota/Rajoni29 Mars 2024
    Erërat me shpejtësi deri në 112 km/h kanë goditur bregdetin jugor të Mbretërisë së Bashku së bashku me breshërin dhe bubullimat. Sipas...

    FrontOnline, © 2024 Të gjitha të drejtat e rezervuara.