Nga data 22 qershor, stomatologët janë të detyruar që të punojnë me rregulla të reja, ashtu siç është paraparë në Manualin për Parandalimin dhe Luftimin e virusit COVID-19, të publikuar nga Ministria e Shëndetësisë.
Në manualin e publikuar thuhet se në hyrje të ordinancës mund të qëndrojë vetëm një pacient ose/dhe përcjellësi, ndërsa në hyrje duhet të ketë dezinfektues dhe udhëzim për pacientët për mënyrën e përdorimit.
Po ashtu të gjitha revistat, lodrat duhet të hiqen si masë preventive nga kontaminimi.
Manualin e plotë mund ta lexoni KËTU:
Më poshtë udhëzimet për stomatologët:
-Duke pasur parasysh që koronavirusi qëndron në sipërfaqe për 24+ orë, është shumë e rëndësishme të mbani të gjitha sipërfaqet të pastra dhe të dezinfektuara. Kjo vlen për kabinetin stomatologjik, tualetin, zonën e pritjes, e veçanërisht e rëndësishme të dezinfektoni sallën e operacionit sa më shpesh që të jetë e mundur.
-Dezinfektuesit e përdorur zakonisht, si hipoklorur i natriumit 0,1% ose etanol 62% -71%, janë vërtetuar se janë shumë efektivë.
-Ventilimi i mjedisit të jetë sa më natyral dhe të evitohet ventilimi me kondicioner.
-Kujdes i shtuar ndaj instrumenteve duke zbatuar Asepsën dhe Antisepsën.
PRAKTIKAT E DUHURA TË PUNËS
– Higjiena e mirë e duarve Higjiena e mirë e duarve është mbrojtja më e rëndësishme për profesionistët e stomatologjisë
– Larja e plotë e duarve me sapun dhe ujë; Mbushni mirë duart me sapun; Mbushni mirë me sapun edhe pjesët e pasme të duarve, midis gishtërinjëve dhe nën thonjtë; Fërkoni duart për të paktën 20 sekonda; Lani duart me ujë të pastër; Thani duart me letër të pastër ose me ajër të thatë, transmeton Telegrafi.
-Vendosja e posterëve në mure që promovojnë larjen e duarve dhe higjenën respiratore.
– Pajisjet mbrojtëse personale disa procedura stomatologjike favorizojnë krijimin/përhapjen e aerosoleve, të cilat mund të jenë potencialisht të rrezikshme për transmisionin e Covid-19.
– Aerosolet krijohen nga pajisjet stomatologjike me numër të madh të rrotullimeve, si: turbina, pajisjet sonike dhe ultrasonike si dhe spray-vit (aplikimi i ajrit/ ujit me presion). Prandaj, rekomandohet që stomatologët t’i kufizojnë procedurat e tilla për të mbrojtur pacientët, stafin dhe vetën.
-Pajisjet mbrojtëse personale (PMP) të nevojshme për procedurat stomatologjike që nuk krijojnë dhe ato që krijojnë aerosole. a) PMP që nuk krijojnë aerosole Standardet aktuale për parandalimin dhe kontrollin e infeksionit aplikohen me pajisjet mbrojtëse personale të përshtatshme: dorëza, maskë kirurgjike dhe syze mbrojtëse. 40 b) PMP që krijojnë aerosole .
– Për procedurat stomatologjike që krijojnë aerosole, përveç standardeve aktuale për parandalimin dhe kontrollin e infeksionit, nevojiten edhe pajisjet mbrojtëse personale shtesë: veshje mbrojtëse, dorëza, maskë N-95/respirator, syze mbrojtëse të përshtatshme ose mburojë për fytyrën.
-Një maskë kirurgjike e zakonshme ka pore prej rreth 2-10 mikronë ndërsa maskë N95 ka pore në madhësi rreth 0.3 mikron; Koronavirusi ka një diametër rreth 0.12 mikronë, por pikat janë më të mëdha. Kur të përdorni maskën N-95/ respirator: nëse do të trajtoni pacientë të dyshuar, të mundshëm ose të konfirmuar nga infektimi SARS-CoV-2 ose në rastet kur pacientët kanë pasur “kontakt të ngushtë” me subjektet e përmendura; kur duhet të kryejmë procedura stomatologjike që krijojnë aerosole për një ekspozim më shumëse 15 minuta, përcjell Telegrafi.
MASA SHTESË PARA TRAJTIMIT
– Përdorimi i 1% peroksid hidrogjeni 5cc për shpëlarje për 30 sekonda para ekzaminimit të zgavrës së gojës.
-Përdorimi i koferdamit për izolim.
-Përdorimi i aspiratorit me vëllim të lartë gjatë procedurave stomatologjike.
UDHËZIME PËR PACIENTËT
-Caktimi i terminit për të lehtësuar distancën fizike dhe për të zvogëluar ekspozimin në pritore.
-Inkurajimi i pacientëve të vendosin maska në pritore.
– Personat shoqërues të presin jashtë hapësirave të ordinancës stomatologjike.
-Pacienti të lajë duart pas hyrjes në ordinancë për një minutë dhe më pas t’i dezinfektojë ato.
-Vendosja e mbështjellësve të këpucëve kur pacienti hyn në kabinetin stomatologjik.
