Këto janë pikat e rendit të ditës në mbledhjen e nesërme të qeverisë

Katër pika janë në rend dite në mbledhjen e Qeverisë të thirrur nga kryeministri Ramush Haradinaj.

Në dokument shkruhet se në rend të ditës janë: aprovimi i procesverbaleve të disa prej mbledhjeve të kaluara, shqyrtimi i propozim-vendimit për kursime dhe ndarje buxhetore të organizatave buxhetore, shqyrtimi i raportit të Thesarit për të hyrat dhe shpenzimet nëntëmujore dhe shqyrtimi i propozim-vendimit për rivarrimin e Dëshmorëve të Kombit.

Haradinaj pas dorëheqjes së tij i ishte drejtuar Gjykatës Kushtetuese nëse ka të drejtë të thërrasë mbledhje por përgjigja nga Kushtetuesja kishte qenë se çështjet e ngritura nuk hyjnë në fushëveprimin e juridiksionit të kësaj gjykate.

Kryeministri në detyrë, Ramush Haradinaj sot gjatë ditës ka deklaruar se mbledhja e thirrur për nesër u bë me kërkesë të ministrit në detyrë të Financave, Bedri Hamza.

“Mbledhja është kërkuar nga ministri i Financave, Bedri Hamza, për rirregullim dhe rialokimi i mjeteve që është obligim ligjor në fundvit për me mundësua funksionimin e të gjithë sektorëve, pra pagave dhe besoj që do të ketë nesër. Shteti funksionon dhe nuk ka kurrfarë rrezikimi. Sepse demokracia në Kosovë është e avancuar. Prej rastin të dorëheqjes sime, shpërbërja e parlamentit, të gjitha këto janë procese të parapara me ligj”, ka deklaruar Haradinaj.

Kush ështe kosovari THE VICTOR që synon tregun e jashtëm? (video)

Sponsoruar