Lajme

Këto janë kufizimet për komunat me rrezik më të ulët

Këto janë kufizimet për komunat me rrezik më të ulët
12:47 | 11 Nëntor 2020

Kryeministri i Kosovës, Avdullah Hoti, ka njoftuar për masat e reja për parandalimin e përhapjes së COVID-19.

Në një konferencë për media, Hoti ka bërë me dije se në komunat që janë në zonën e gjelbërt, është kufizuar orari i funksionimit të veprimtarive.

Në këto komuna, qendrave tregtare dhe veprimtarive të hotelerisë dhe gastronomisë u lejohet veprimtaria nga ora 05:00 deri në ora 20:00.

Pas kësaj ore, lejohen vetëm shërbimi merre me vete ose porosi me dërgesa.

Edhe për komunat që gjenden në zonën e verdhë janë marrë masa.

Bizneset në këto komuna lejohen që të ushtrojnë veprimtarinë e tyre nga ora 05:00 deri në orën 18:00.

Pas kësaj ore, për gastronominë lejohet vetëm shërbimi merre me vete dhe porositë me dërgesë.

Ndërkohë, institucionet publike dhe private lejohen të punojnë vetëm me staf esencial.

Prince Caffe: Hape dhe fito preminë kryesore, çdo muaj nga një Fiat 500

Të tjera