Në disa komuna të Kosovës është regjistruar pjesëmarrje e ulët e qytetarëve ne zgjedhje.

Madje ka disa prej tyre që pjesëmarrja e qytetarëve nuk ka kaluar as 30% deri në ora 15:00.

Në Komunën e Gjakovës kanë votuar vetëm 27.94% apo 29 mijë e 645 qytetarë.

Në atë të Istogut kanë votuar 12 mijë e 987 qytetarë apo 28.39%.

Pjesëmarrje e ulët e qytetarëve është regjistruar edhe në Klinë, shkruan Front Online.

Nga 46 mijë e 340 votues sa ka kjo kumunë deri në orën 15:00 kanë votuar vetëm 12 mijë e 396 votues apo shprehur në përqindje 26.75%.

Vetëm 28.35% e qytetarëve kanë votuar në Komunën e Rahovecit.

Nga 54 mijë e 341 votues sa ka kjo komunë deri në ora 15:00 kanë votuar vetëm 15 mijë e 341 qytetarë.

Si komunë me numër të madh të banorëve llogaritet edhe komuna e Prizrenit.

Por, edhe në këtë komunë pjesëmarrja në votime është shumë e ulët.

Aty kanë votuar vetëm 44 mijë e 653 qytetarë nga 165 mijë e 951 votues sa ka kjo komunë apo 26.91%.

Edhe në Junik kanë votuar vetëm 25.63% e qytetarëve apo një mijë e 309 prej tyre nga 5 mijë e 108 votues sa ka kjo komunë./Front Online.