×
  • Lajme
  • Lajme

    Këshilltari i Thaçit: Dialogu me Serbinë i paqartë, Serbia mund t’i keqpërdorë bisedimet teknike

    FrontOnline
    30 Korrik 2020

    Blerim Shala, këshilltar politik i presidentit Hashim Thaçi, ka thënë se pas 20 vjetësh negociata me Serbinë, tani do të duhej të ishim në fund të procesit të dialogut, por se ky proces ka rifilluar me një koncept të paqartë dhe me tema të cilat janë diskutuar me vite.

    Shala ka thënë se Serbia mund t’i keqpërdorë bisedimet teknike.

    “Në një mënyrë është me rëndësi që ka rifilluar dialogu, sepse për herë të parë, prej se zhvillohen bisedimet mes autoriteteve të Kosovës dhe Serbisë, në 20 muajt e fundit kemi qenë pak a shumë ne përgjegjës përse nuk ka dialog, arsyet kanë qenë të shumta ne i dimë, prandaj me rëndësi është që jemi kthyer në tavolinë të bisedimeve”, ka deklaruar ai në Klan Kosova.

    “Jemi kthyer në rrethana shumë të vështirësuara dhe në anën tjetër me një koncept që për ne është ende i paqartë, jo vetëm për zyrën e presidentit, por edhe për mua personalisht, sepse idenë që të fillohet me disa tema konkrete që mund të jenë elemente të një marrëveshje gjithëpërfshirëse nuk po e mohojmë, por realisht në parim ne po flasim mbi 22 vite me Serbinë, ne nuk mund të rinisim duke thënë të merremi me të pa gjeturit, të merremi me të zhvendosurit dhe temat ekonomike”.

    “22 vite nënkupton një lloj maratone negociatore, ne jemi në 500 metrat e fundit të kësaj maratone, tash nuk mund të themi kthehuni se i kemi bërë disa gabime në matjen e vrapit dhe duhet të kthehemi në pikën zero, ose në kilometrin e njëzetë, jemi kah fundi dhe të dy shoqëritë janë të lodhura, nuk ka atmosferë të mrekullueshme për ta bërë marrëveshjen, por nuk kemi opsione të tjera”.

    Sipas Shalës, tashmë janë harxhuar idetë e mira dhe se tash ndodhemi para ideve të domosdoshme dhe domosdoshmëria nënkupton njohje reciproke mes Kosovës dhe Serbisë dhe hyrje në një fazë që do të nënkuptonte pajtim mes dy popujve.

    “Ne i kemi harxhuar idetë e mira, tash jemi para ideve të domosdoshme dhe domosdoshmëria nënkupton njohje reciproke mes Kosovës dhe Serbisë dhe hyrje në një fazë që do të nënkuptonte pajtim mes dy popujve për një të ardhme mes Kosovës dhe Serbisë”.

    “Nuk kemi më llogari, as kohë që Kosova të humbë në këto bisedime teknike që mund të keqpërdoren nga Serbia, t’i hapë kapituj të ri në përpjekje për tu anëtarësuar në BE derisa ne ende nuk e kemi liberalizimin e vizave”.

    Ish-anëtari i delegacioneve shtetërore të dialogut, shtoi se ndonëse ka pasur tendencë të thuhet se ka tema për të cilat nuk është folur, në realitet nuk ka asnjë temë për të cilën tashmë  nuk është diskutuar me Serbinë.

    “Të gjitha temat që janë rihapur tash, janë adresuar më parë me kohë,  ka pasur përpjekje për ta mohuar se kemi folur për të pagjeturit, është folur vazhdimisht për të pagjeturit dhe ka pasur një dakordim se çka të bëjmë me këtë temë.  Në Rambuje, në Vjenë, në Bruksel, nuk ka temë për të cilën nuk është folur.”

    I pyetur se si duhet të ecet tutje me dialogun, Blerim Shala ka thënë se para se të ulemi në tryezën e bisedimeve, duhet ta dimë saktësisht se për çka po dialogojmë me Serbinë dhe a është e gatshme kjo e fundit që ta njoh Kosovën.

    “Thelbi këtu është emri i marrëveshjes, për çka po flasim, nuk mund të flasim më që do ta shohim më vonë, ta zgjidhim çështjen e të pagjeturve, të pagjeturve të kujt?, me kënd? këtu janë dy shtete që kanë kërkesa për të pagjetur, ose kërkesa financiare, ideja jonë ka qenë që ta trajtojmë temën e emrit të marrëveshjes, se çfarë do të ndodhë, ne mendojmë që periudha e qasjes hap pas hapi është harxhuar, është ideja që të shkohet në thelbin e problemit, a është Serbia në gjendje ta trajtojë temën e njohjes së Kosovës ose jo, nëse jo nuk besoj që ka far logjike që të vazhdojmë në Bruksel, të kthehemi të bisedojmë për tema tjera”.

    Avokati i Popullit Naim Qelaj dhe përfaqësueset e UN Women Kosovo vizitë në KEDS
    Nga Rubrika
    Lajme29 Mars 2024
    Ministrja e Punëve të Jashtme dhe Diasporës, Donika Gërvalla është duke qëndruar për vizitë në Kalabri të Italisë. Siç thuhet në njoftim,...
    Lajme29 Mars 2024
    Kryeministri i Kosovës, Albin Kurti, pas përmbylljes së procesit ofertues për Ankandin Solar Fotovoltaik prej 100 megavatëve, ka deklaruar se Kosova po...
    Lajme29 Mars 2024
    Ministri i Financave, Punës dhe Transfereve, Hekuran Murati, ka reaguar pas deklaratave për ekonominë në vend, ku pretendohet se mbyllja e bizneseve...
    Të tjera
    Lajme29 Mars 2024
    Presidentja e Kosovës, Vjosa Osmani, ka kujtuar masakrën e Belegut në Deçan, në përvjetorin e 25-të ku u vranë 46 shqiptarë. Osmani...
    Vip29 Mars 2024
    Markat e ndryshme të modës, sidomos ato luksoze, shpeshherë krijojnë produkte me dizajne unike, e të cilat jo rrallëherë edhe kritikohen shumë...
    Lajme29 Mars 2024
    Kryeministri i Kosovës, Albin Kurti, sot do të takohet me disa nga studentët romë, ashkali dhe egjiptianë, në një tryezë të rrumbullakët...
    Lajme29 Mars 2024
    Ministri italian i Mbrojtjes, Guido Crosetto, ka mbërritur në Aeroportin Ndërkombëtar të Prishtinës, “Adem Jashari”. Siç njofton Ambasada e Italisë në vendin...
    Bota/Rajoni29 Mars 2024
    Një autobus me rreth 60 pasagjerë u aksidentua në shtetin perëndimor të Gjermanisë Veriore-Vestfalia, duke lënë të lënduar 21 persona, njëri prej...
    Kronika29 Mars 2024
    Një burrë ka njoftuar policinë se sipas tij, një i dyshuar, i njohur për ankuesin, dyshohet se ia ka vjedhur vetën e...

    FrontOnline, © 2024 Të gjitha të drejtat e rezervuara.