[wp-story]

Lajme

Këshilltari i Kryeministrit: Kosova ia ka borxh Angela Merkelit integritetin territorial

Këshilltari i Kryeministrit: Kosova ia ka borxh Angela Merkelit integritetin territorial
10:57 | 27 Gusht 2020

Këshilltari i kryeministrit të Kosovës, Avdullah Hoti, Alush Gashi në një opinion të publikuar në Eu Observer thotë se Gjermania i ka siguruar mbështetje të bollshme Kosovës për stabilitetin dhe shtetndërtimin në dekadat e fundit.

Megjithatë, sipas Gashit, Gjermania si kryesuese e Këshillit të BE’së mund të luaj një rol edhe më konstruktiv duke u përqendruar në dialogun Prishtinë-Beograd, për normalizim të marrëdhënieve.

Ai thotë se një marrëveshje për njohje reciproke do të siguronte pavarësinë e Kosovës brenda kufijve aktual, si dhe do t’i jepte fund konfliktit të dhunshëm që ndodhi në Evropë në shekullin e 20-të.
Këshilltari i Hotit thotë se një marrëveshje mes Kosovës dhe Serbisë do të stimulohej nëse Bashkimi Evropian aprovon vendimin për liberalizimin e vizave për Kosovën, duke sinjalizuar që Kosova është e mirëpritur në familjen evropiane.

Gashi gjithashtu ka përmendur se shteti gjerman ka mirëpritur shqiptarët e larguar nga vendi gjatë viteve të 90-ta, duke shtuar se autoritetet gjermane ofruan ndihmë për viktimat e konfliktit si dhe pas ndërhyrjes së NATO’s ishin një nga ofruesit kryesor të ndihmës humanitare.

“Ideja për të ndarë Kosovën, e cila u ngrit gjatë negociatave të fundit, u kundërshtua ashpër nga Gjermania, Mbretëria e Bashkuar dhe vendet e tjera. Shqiptarët e Kosovës ndjehen borxh ndaj kancelares gjermane Angela Merkel për ruajtjen e pavarësisë dhe integritetit të Kosovës”, ka thënë tutje këshilltari i kryeministrit.

“M Sillosi” S’ka nëvojë për panik, grurë ka me bollëk

Të tjera