Këshilltari Faton Peci i ka dalë në mbrojtje shefes së tij, ushtrueses së detyrës së Presidentes, Vjosa Osmani.

Ai ka thënë se intervistën që e dha Osmani për AP-në, po e kritikojnë vetëm serbët dhe disa anëtarë të LDK-së.

Këta të fundit i ka akuzuar se po e bëjnë këtë për interes personal e jo qytetar.

Reagimi i tij vjen si kundërpërgjigje ndaj anëtarit të kryesisë së LDK-së, Anton Berisha, i cili tha se presidenti Rugova nuk u sillte kështu me miqtë ndërkombëtar siç po sillet tash e para e shtetit.

Postimi i plotë i Pecit:

“Në intervistën dhënë Associated Press (e publikuar tashmë anekënd botës), u.d. Presidentja Vjosa Osmani flet për krimet e kryera nga Serbia, për fëmijët e vrarë e gratë e dhunuara. Ajo kërkon përgjegjësi e drejtësi për ato krime, duke potencuar se Serbia nuk do të ndryshojë përderisa nuk ka presion mbi të nga BE-ja. Prandaj, Serbia nuk do të duhej të trajtohej si fëmijë i lazdruar përderisa udhëhiqet nga njerëz të regjimit të Millosheviqit e nuk kërkon falje për krimet.