Kompania Kosovare për Distribuim me Energji Elektrike (KEDS), ka bërë thirrje për kursim të energjisë elektrike.

Këtë porosi e kanë dhënë duke fikur dritat e objekteve ku ndodhen zyrat e kësaj kompanie. Sipas KEDS, ky shembull duhet të ndiqet edhe nga objektet tjera në të cilat nuk punohet gjatë natës.

“Ky është një shembull se si duhet të duken të gjitha objektet në të cilat nuk punohet gjatë natës”.

“Çdo dritë e fikur luan rol të madh, çdo kilovat i kursyer mundëson që të gjithë ne të kemi më shumë energji elektrike – atëherë kur na nevojitet më së shumti”, vazhdon postimi.

“Kërkojmë që edhe të tjerët ta ndjekin këtë shembull”.