Një numër rekord i rasteve të reja të koronavirusit u raportuan sot në Kazakistan dhe Uzbekistan, përkatësisht me 6797 dhe 789 të infektuar, gjë që sinjalizon se Azia Qendrore nuk e ka kapërcyer ende valën e fundit pandemike, të shkaktuar nga variante të reja të virusit, transmeton FrontOnline.

Uzbekistani ka një popullsi prej 34 milionësh krahasuar me 19 milion Kazakistanin. Më shumë teste po bëhen në Kazakistan, ndërsa numri ditor në Uzbekistan i referohet rasteve që kërkojnë shtrimin në spital.

Kazakistani administroi dozën e parë të vaksinës në 5.2 milion njerëz dhe 3.4 milion ishin vaksinuar plotësisht.

Në Uzbekistan, ndërkohë, 4.2 milion njerëz morën dozën e parë, me rreth 1.1 milion të vaksinuar plotësisht./FrontOnline/