Karateistet kosovarë kanë mbetur jashtë Kampionati Evropian i cili do të zhvillohet në Spanjë.

Arsyet janë shkaku i politikave të shtetit spanjoll, qeveria spanjolle nuk lejoj garuesit kosovarë të marrin pjesë në këtë garë pasiqë shteti i tyre nuk e njeh Kosovën si shtet, shkruan FrontOnline.

Edhe pse kontingjenti kosovar ka shkuar në Spanjë me ftesë të Federatës Spanjolle të Karatesë, atje është përballur me një të papritur, duke iu kërkuar fillimisht paraqitja pa simbole shtetërore, e më pas garuesit kanë mbetur edhe jashtë shortit.

E mërzitur për këtë rast është karateistja e njohur kosovare, Fortesa Orana e cila me anë të një postimi në Facebook ka shprehur zhgënjimin e saj.

Raste të tilla, si mohimi i pjesëmarrjes së sportistëve kosovarë në garat të ndryshme prestigjoze nëpër botë,  viteve të fundit ishin të shumta.

Rasti më i freskët është për boksierin Donjeta Sadiku, e cila së pari, nuk i është lëshuar viza për pjesëmarrjen e Kampionatit Botëror të boksit e cila do të zhvillohej në Indi.

Më pas  është kërkuar nga Sadiku të paraqitet në këtë kampionat pa emblema shtetërore dhe pa flamurin kombëtarë, mirëpo një gjë të tillë  nuk e ka pranuar.

Ministria për Kulturë Rini dhe Sport, poashtu ishte e angazhuar për realizmin dhe lejimin e sportistëve të udhëtojnë drejt shteteve të cilat nuk e njohin Kosovën si shtet të pavarur./FrontOnline/

MRKS reagon për moslejimin e pjesëmarrjes së Donjeta Sadikut në Kampionatit Botëror në Indi