[wp-story]

Bota/Rajoni

Kapet kinezi me 200 akrepa në valixhe

Kapet kinezi me 200 akrepa në valixhe
18:46 | 15 Janar 2020

Një udhëtar kinez u kap teksa tentonte të kontrabandojë 200 akrepa të gjallë nga Sri Lanka.

30-vjeçari kishte planifikuar të fluturonte drejt Guangzhou në Kinën jugore nga aeroporti Bandaranaike i Colombo-s, kur autoritetet zbuluan akrepat e gjallë në bagazhet e tij, tha për CNN zëdhënësi i Doganave të Sri Lanka, Sunil Jayarathna.

Fotografitë e siguruara nga dogana e Sri Lanka-s tregojnë se akrepat ishte paketuar brenda 7 kutive plastike.

“Këto akrepa u mblodhën nga disa zona në Sri Lanka,” tha Jayarathna. “Nuk janë helmues”.

Jayarathna shtoi se autoritetet e liruan njeriun pasi ai pagoi një gjobë prej 100,000 rupesh Sri Lanka (552 dollarë amerikanë).

Akrepat përdoren në mjekësinë tradicionale kineze për lehtësimin e dhimbjes në muskuj dhe nerva, sipas një njoftimi nga Departamenti i Shëndetit në Hong Kong./tch

Bonus dhe Premium Kartela të cilat po i ofron Petrol Company, kartelat më të kërkuara nga klientët

Të tjera