Kryeministri malazes Zdravko Krivokapic tha se ai nuk do të jap dorëheqjen nga ajo pozitë dhe u bëri thirrje deputetëve të fillojnë rrëzimin e tij. Krivokapic u tha gazetarëve në sallën e Parlamentit të Malit të Zi, pasi ai u largua nga seanca në të cilën u diskutua iniciativa e tij për heqjen e Ministrit të Drejtësisë, të Drejtave të Njeriut dhe të Pakicave, Vladimir Leposavic, për shkak të pikëpamjeve të tij mbi Srebrenicën, transmeton FrontOnline. Ai shtoi se rruga është e qartë: “ju mund të kërkoni votëbesim tek Qeveria ose mund të shkoni në zgjedhje të reja”, raporton RTCG. Krivokapic vlerësoi se mund të ketë ardhur koha që Mali i Zi të zgjedhë, siç deklaroi ai, rrugën më të mirë. “E vetmja mënyrë që mund ta çojë Malin e Zi drejt një të ardhme më të sigurt është ajo që po bëjnë viktimat, dhe kta janë anëtarët e Qeverisë, mbi të cilën unë, për koincidencë, jam i ngarkuar”, tha Krivokapic. Duke folur në lidhje me nismën për largimin e Leposaviç, ai tha se ai propozoi “atë që është plotësisht e natyrshme”, dhe kjo është që të kërkojë një deklaratë besimi te një ministër dhe se ai ndoqi procedurën sipas Kushtetutës. Ai gjithashtu kritikoi zgjidhjet në Kushtetutë, sepse, siç tha ai, ai mendon se ka mënyra të ndryshme për zgjidhjen e këtij problemi në kushtetutat e tjera./FrontOnline/