×
  • Bota/Rajoni
  • Bota/Rajoni

    Kanadezi që mbyti familjen myslimane me veturë do të akuzohet për terrorizëm

    FrontOnline
    15 Qershor 2021

    Një burrë kanadez që akuzohet për goditje të qëllimshme të pesë anëtarëve të një familjeje myslimane me veturë, me ç’rast katër prej tyre mbetën të vdekur, tani përballet edhe me akuzën për terrorizëm, përpos akuzave për vrasje të shkallës së parë dhe tentim-vrasje.

    Nathaniel Veltman, 20 vjeç, u arrestua pak kohë pas sulmit të 6 qershorit në një parking veturash në Ontario. Policia ka thënë se sulmuesi kishte të veshur rroba anti-plumb dhe kishte helmet në kokë në kohën e kryerjes së veprës.

    Autoritetet kanadeze e kanë ndaluar publikimin e hollësive nga seancat. Sidoqoftë, Vletman u paraqit në një seancë virtuale nga burgu të hënën, ndonëse ende nuk ka marrë avokat, shkruan Reuters.

    Megjithatë, prokurorët rajonalë dhe federalë e kanë dhënë pëlqimin e tyre për nisjen e procedurave për akuzën për terrorizëm kundër të pandehurit, duke pretenduar se vrasja e Salman Afzaal, bashkëshortes së tij, nënës së tij dhe vajzës së tij dhe tentimi për vrasjen e djalit të tij përbën aktivitet terrorist, thuhet në një deklaratë të policisë lokale.

    I mbijetuari i vetëm i sulmit, një djalë 9 vjeç, u lirua të hënën nga spitali. Zëvendëskryeministrja e Kanadasë, Chrystia Freeland reagoi ndaj akuzave të reja, duke thënë: “Është vërtet e rëndësishme për ne që ta emërtojmë si akt terrorist dhe është me rëndësi për ne që ta identifikojmë rrezikun e tmerrshëm që supremacia e bardhë paraqet ndaj Kanadasë dhe kanadezëve.”

    Pesë anëtarët e familjes Afzaal kishin dalë për një ecje në mbrëmje afër shtëpisë së tyre, kur u goditën nga vetura e të dyshuarit përderisa po ecnin nëpër trotuar.

    Ky ishte sulmi më i rëndë kundër myslimanëve kanadezë që nga viti 2017, kur një burrë kishte vrarë gjashtë anëtarë të xhamisë së qytetit në Quebec.

    Petrol Company zbret çmimet në Ditën e Verës: Benzinë 1.70 euro dhe Diesel 1.85 Euro për litër
    Nga Rubrika
    Bota/Rajoni28 Mars 2024
    Një aksident trafiku ka lënë të vdekur 45 persona në Afrikën e Jugut, pasi një autobus humbi kontrollin dhe ra nga një...
    Bota/Rajoni28 Mars 2024
    Aleanca për Shqiptarët e Ziadin Selës i bashkohet Frontit Evropian. Ky vendim erdhi pas mbledhjes së Kuvendit Qendror të kësaj partie. Pas...
    Bota/Rajoni28 Mars 2024
    Ajo që tronditi shumë një ekip ndërkombëtar mjekësh që vizitoi një spital në pjesën qendrore të Gazës, ishte numri i madh i...
    Të tjera
    Lajme28 Mars 2024
    Kandidati i PDK-së për kryeministër, Bedri Hamza, ka folur për kandidaturën e tij dhe përballjen në zgjedhje me kryetarin e VV-së, Albin...
    Sport28 Mars 2024
    Florian Marku këmbëngul se Chris Kongo, kundërshtari i tij mbrëmjen e së dielës, ka bërë një gabim të madh. Kongo, pohon ai,...
    Lajme28 Mars 2024
    Ministrja e Drejtësisë, Albulena Haxhiu, ka reaguar pas triumfit të jashtëzakonshëm të studentëve të Fakultetit Juridik të Universitetit të Prishtinës, të cilët...
    Lajme28 Mars 2024
    Kandidati për kryeministër nga radhët e Partisë Demokratike të Kosovës, Bedri Hamza, ka thënë se asnjë qeveri s’ka mundësi që t’i kryej...
    Lajme28 Mars 2024
    Policia e Kosovës është bërë pjesë e Taskforcës së Përbashkët të Migracionit me autoritetet ligjzbatuese të Republikës së Shqipërisë dhe të Mbretërisë...
    Lajme28 Mars 2024
    Kryetari i Lidhjes Demokratike të Kosovës (LDK), ka folur në Kuvend të Kosovës për tenderët njëburimore. Opozita edhe gjatë seancës së fundit...

    FrontOnline, © 2024 Të gjitha të drejtat e rezervuara.