Deputeti shqiptar në Kuvendin e Serbisë, Shaip Kamberi ka ftuar qytetarët të nënshkruajnë një peticion për tu krijuar një Qendrën Memoriale në Batajnicë.

Batajnica është varrezë masive në Serbi me trupat e qindra civilëve që u vranë, shkruan Kamberi.

Kamberi shkruan se viktimat janë bartut mbi 400 km nga vendi i krimit që të zhduken gjurmët dhe të iket nga drejtësia.

Ky është postimi i tij i plotë:Të nderuar qytetarë,

Ju ftojë të solidarizoheni me firmosjen e këtij peticioni qytetar për ta krijuar Qendrën Memoriale në Batajnicë, të cilin sapo e firmosa.
Siç e dini, Batajnica është një nga varrezat masive në Serbi, ku janë hedhur trupat e qindra civilëve të pafajshëm, edhe të moshuar, gra dhe fëmijë.

Me qëllim të zhdukjes së gjurmëve dhe të ikjes nga drejtësia, pas vrasjes në mënyrë monstruoze, kufomat e viktimave janë bartur mbi 400 km nga vendi i krimit, nga ana e urdhërdhënësve dhe ekzekutuesve, që ishin edhe zyrtarë shtetërorë të Republikës së Serbisë.Kjo hapësirë, ku janë varrezat masive shfrytëzohet ende sot nga pjesëtarët e Ministrisë së Punëve të Brendshme të Republikës së Serbisë.Peticionin mund ta firmosni në këtë vegëz: https://www.batajnicamemorialinitiative.org/al/peticija
Faleminderit.